Waqtiga Ugu Wanaagsan Ee Aad Kacayso Subixii Sida Ay Sheegeen Khubarada
Waa lagama maarmaan in qofka caafimaadkiisa iyo fayoobaantiisa uu helo hurdo wanaagsan oo habeen ah. Sida cunista iyo neefsashada, hurdadu waxay lama huraan u tahay nolosheenna. Wax soo saar yari waa dhibaato kale oo ay leedahay hurdo la’aanta marka lagu daro hurdada oo la dareemo mar walba sida ku cad maqaal ay qortay Healthline.
Hurdo la’aanta waxaa lala xiriiriyay dhibaatooyin caafimaad oo kala duwan, sida walwalka, niyad-jabka, iyo dhiig karka. Sida wanaagsan ee aad u seexato ma saameynayso tirada saacadaha aad seexanayso oo keliya laakiin sidoo kale waxay saamaynaysaa tayada hurdadaas.
Khubaradu waxay isku raaceen in haddii aad sariirta aado inta u dhaxaysa 8 iyo ilaa 10 p.m., aad heli doonto hurdo macaan oo caadimaad leh, hurdo riyo ah oo aad u baahan tahay.
Baahidaada hurdo waxay maraysaa meeshii ugu saraysay inta u dhaxaysa 2 iyo 4 a.m.., markaa ka faa’iidayso wakhtigan oo hel xoogaa hurdo ah. Nasiib darro, haddii aadan helin nasasho kugu filan habeenkii, waxaa laga yaabaa inaad dareento hurdo inta u dhaxaysa saacadaha 1 ilaa 3 galabnimo.
Marka loo eego daraasadihii ugu dambeeyay ee ay sameeyeen xirfadlayaasha caafimaadka, dadka waaweyni waxay ku jiraan heerkooda ugu sarreeya marka ay soo jeedaan 6 subaxnimo. Waxaa jira faa’iidooyin badan oo aad ku bilaabi karto maalintaada 6 subaxnimo.
Waxay kicisaa firfircoonida waxayna bixisaa dareen awood leh. Waxay kor u qaadaysaa kalsoonidaada iyo yididiiladaada. Haddii aad shaqo hayso iyo haddii kaleba, samaynta saacada digniinta ama waqti inaad ku xirato saacada taleefankaaga waxay kaa caawin kartaa inaad subax kasta kacdo isla wakhtigaas oo aad bilowdo maalintaada si waxtar leh marka loo eego daraasadaha.
