Helitaanka naag, jeclaanta iyo ka dhigida xaaskaaga ayaa ah qaybta ugu fudud laakiin ogaanshaha waxay rabto iyo ka dhigista guurka mid shaqeeya waa meesha shaqada dhabta ah u baahan.
Waxaa la yaab leh in la ogaado in ragga qaarkood aysan si dhab ah u ogeyn waxa ay dumarkoodu ka filayaan iyaga. Waxaa jira waxyaabo gaar ah oo ay kaa fileyso haddii aad rabto inaad guurka ka dhigto mid shaqeynaya.
Hoos ka akhriso 5 shay oo ay haweeney kasta ka filayso ninkeeda
1 — Aamin noqo
Xaaskaaga waxay kaa filaysaa inaad aaminto oo aanad khalkhal gelin. Waa wax laga xishoodo in la arko ragga qaarkood oo khiyaameeya dumarkooda, wayna kaa yaabineysaa sababta ay u guursadeen haddii aysan diyaar u ahayn inay daacad u noqdaan.
Xaaskaaga ma rabto inay kula wadaagto cidna; Waxay rabtaa inay noqoto haweeneyda kaliya ee qeybta ka ah noloshaada.
2 – Dareensii inay kugu weyntahay
Xaas kasta waxay rabtaa inay dareento inay cajiib tahay; Dhammaantood waxay rabaan inay ogaadaan inay meel gaar ah ku leeyihiin qalbiga ninkooda. Xaas kasta waxay doonaysaa ninkeeda inuu u arko inay tahay gabadha ugu quruxda badan adduunka, waxaana laga rabaa nin kasta inuu u sheego xaaskiisa sida ay u qurux badan tahay. Waxay u martaa wax badan si ay kuugu muuqato mid cajiib ah, wayna ka mahad celineysaa haddii aad u sheegto inay qurux badan tahay.
3 – U arag inay tahay xaaskaaga ee ha u arkin qof hooseeya
Xaaskaagu way jeclaan lahayd haddii loola dhaqmo sidii lammaane oo aadan ula dhaqmin sidii qof ku hoos yimaada oo aad amarto waliba si aanan wanaagsaneyn.
Xaaskaaga waxay jeceshahay in wax qabadkeeda la qiimeeyo. Waxay rajaynaysaa inay qayb ka noqoto habka go’aan sameynta ee guriga. Ma jirto naag jecel in ninkeeda uu iska indhatiro.
4 – Waqti sii
Maadaama aad guursatay macnaheedu maaha in aanay saaxiibadeed waqti la qaadan mararka qaar. Waa wax laga xumaado in la arko nimanka qaar oo xaasaskooda ka jaraya saaxiibadood laakiin waxaa murugo leh in la fiirsado raggan oo weli la xiriira saaxiibadooda kana joojinaya dumarkooda inay sidaas oo kale sameeyaan. Xaaskaaga wali waxay u baahan tahay xoogaa ‘wakhti ah inay la qaadato asxaabteeda.
5—Il gaar ah
Xaas kasta oo wanaagsan waxay doonaysaa dareenka ninkeeda, waxaana muhiim ah inaad siiso taas si kasta oo jadwalkaagu u mashquulsan yahay. Waxay rabtaa inaad la sheekeysato, ka qosliso oo aad waqti fiican la qaadato. Way fahamsan tahay inaad u baahan tahay inaad si adag u shaqeyso si aad lacag u samayso laakiin way jeclaan lahayd haddii aad wali wakhti tayo leh la qaadato iyada.
