Faa’iidooyinka Aan La Ogeyn Ee Toonta Ay U Leedahay Dadka Qaba Dhiig Karka
Qabitaanka cudurka dhiig karka waxay noqon kartaa khatar caafimaad oo weyn sababtoo ah waxay ku gelin kartaa khatar inaad ku dhacdo xaalado caafimaad oo kala duwan. Haddii cadaadiska dhiiggaagu sarreeyo waxaa lagula talinayaa inaad raadsato daryeel caafimaad oo degdeg ah.
Si kastaba ha ahaatee, dhiig karka waxaa lagu xakameyn karaa waxaad cunto. Taasi waa sababta  ay khubarada caafimaadka ugu taliyaan in bukaanada qaba cudurka dhiig karka ay cunaan cuntooyinka qaar.
Qayb kamida warbixin lagu daabacay “Healthline”, waxaan ku eegeynaa saameynta ay toonta ku leedahay cadaadiska dhiiggaaga.
Ma ogtahay in cudurada wadnaha sida wadne-qabadka iyo istaroogga ay mas’uul ka yihiin dhimasho ka badan xaalad kasta oo kale?
Dhiig karka, ama hypertension, waa mid ka mid ah arrimaha ugu muhiimsan ee keeni kara cudurradan.
Sida laga soo xigtay cilmi-baaris, waxaa la ogaaday in toonta oo cuntada lagu darsado ama la isticmaalo ay caawin karto bukaannada qaba dhiigkarka ama cadaadiska dhiigoodu uu aad u sareeyo maadaama ay saameyn weyn ku leedahay dhimista cadaadiska dhiigga ee dadka qaba dhiig karka. Hadii aad qabto dhiigkar isku day in aad sida ugu macquulsan ugu darto toon cuntadaada si aad u hesho faa’iidooyinkeeda caafimaad.
