Canbaha waa miro macaan. Ma aha oo kaliya inay macaan yihiin, waxay sidoo kale leeyihiin qiimo nafaqo oo weyn. Dabcan, qaar innaga mid ah ayaa og tan, qaarna ma oga.
Waxaan idiin soo gudbineynaa qaar kamid ah faa’iidooyinka muhiimka ah ee Cambaha.
FInanka ayuu daawo u yahay
Canbaha ayaa aad waxtar ugu leh daweynta dhibaatooyinka maqaarka gaar ahaan finanka. Isticmaalka canbaha waxay ku siin doontaa maqaar qurxoon oo dhalaalaya. Laakin sidoo kale waxaad guriga iskaga daaweyn kartaa finanka adigoo isticmaalaya canbaha.
Cambaha wuxuu caawiyaa nadiifinta daloolada maqaarka ee xirmay, kuwaas oo ay saameeyeen finanka. Kani waa daawo guri oo aad ugu wanaagsan finanka.
Marka hore, ka saar saxarka canbaha oo ku oo mari finanka. U daa 10 ilaa 15 daqiiqo oo ku raaci biyo diirran.
Sonkorowga
Dadka qaba heerka sonkorta sare waxay sidoo kale isticmaali karaan canbaha si ay uga hortagaan macaanka xilli hore. Cambaha wuxuu gacan ka geystaa dhexdhexaadinta heerarka hormoonka insulin ee dhiigga. Tan waxa u sabab ah kiimikada lagu magacaabo mangiferiin, oo ah maado liddi ku ah sonkorowga.
Daawaynta gurigu waxay ku lug leedahay karkarinta caleenta canbaha oo jilicsan oo la qooyay habeenkii. Subaxda xigta, decoction-ka waa la sifeeyaa oo la qaadaa.
Apetite-ka ama cunno xumida ayuu kaa caawinayaa
Inaad xoogaa is cayiliso ama aad cunto cunto badan waxay dadka qaar ku noqon kartaa caqabad. Hagaag waxaad ku xallin kartaa arrintan canbaha.
Canbaha cabbirka caadiga ah wuxuu caadi ahaan miisaankiisu yahay 200 g wuxuuna ka kooban yahay 150 kcal oo lagu daray 28 garaam oo karbohaydrayt ah, borotiin iyo xaddi dufan ah oo aan aad u yarayn.
Cambaha ayaa kaalin ka ciyaari kara sare u qaadida rabitaankaaga cuntada.
Cudurada Beerka
Xanuunada aadka u daran waa dhibaatooyinka la xidhiidha beerka. Beerka ayaa door muhiim ah ku leh jirka, sidaas darteed cillad kasta oo ku dhacda waxay noqon kartaa waxyeello.
Aashitada ku jirta cambaha cagaaran ayaa hagaaisa dheecaanka xameetida waxayna mindhicirka ka ilaalisaa jeermiska.
Cunista canbaha cagaaran maalin kasta ayaa caawinaya caafimaadka beerkaaga iyo xubno kale oo muhiim ah
Dhiig yarida
Canbaha aad ayuu qani ugu yahay birta. Tani waxay ka dhigaysaa midho heersare ah oo ka hortagga dhiig-yarida iyo horumarinta wax soo saarka dhiigga.
