XIRIIRKA IYO GUURKA

3 Waxyaabood Oo Ay Tahay Inaadan Ku Sameyn Gacaliyahaaga Ama Gacalisadaada

Xiriirada qaar si wanaagsan ayay u socdaan waxayna noqdaan kuwo waqti dheer jiro halka kuwa kalana ay muddo yar jiraan, qaarna ay si dhaqsi ah u dhamaadaan. Waxaa jiraan sababo kala duwan oo xiriirada qaar muddo dheer ama muddo yar ay u jiraan.

Mid ka mid ah sababahan ayaa ah sida lamaanaha xiriirka leh ay u dhaqmaan iyo waxa ay isku sameeyaan.

Waxyaabahan qaarkood waxay gacan ka geysan karaan xiriirku inuu sii xoogeysto halka qaarna ay sababi karaan lamaane inuu bilaabo inuu naco midka kale ee waxyaalahaas sameynaya.

Maqaalkani wuxuu ka hadlayaa waxyaabaha lamaane ahaan lagaa doonayo inaadan ku sameyn lamaanahaaga kale si uusan kuu nicin.

  1. Ku hanjabid Furriin/Kal tag

Ku hanjabidda furriin ama inaad lamaanahaaga kala tageysaan kadib xiriir wanaagsan oo aad lahaydeen lamaanahaaga waa waxa ugu yar ee la sameeyo markaad murantaan.

Muranka u dhexeeya lamaanayaasha markasta wuu dhacaa mana jiro xiriir ama guur midna oo ka madhan muran.

Lamaanayaasha is khilaafsan waa inay raadsadaan qaabab macquul ah oo lagu joojiyo khilaafaadka ama muranka noocaas oo kale ah isla markaana midba midka kale raaligeliyaa intii uu ugu hanjabi lahaa inay kala tagayaan. Maalin maalmaha ka mid ah, lamaanaha aanan ku hanjabin furriin iyo wax lamid ah ayaa noqon kara midka ugu dambeeya ee joojiya xiriirka.

Xiriiro badan maanta ma sii waaraan sababo la xiriira maslaxadda oo meesha ka baxdo. 

  1. Ku mashquulid taleefan

Tiknoolajiyadda maanta waa wehelka dad badan. Baraha Bulshada, wararka, madadaalada iyo waxyaabo kale oo fudud ayaad kala socon kartaa taleefankaaga.

Dad badan waxay aad ugu mashquulaan aaladaha mobilada iyagoo gabi ahaanba aanan arkin joogitaanka lamaanayaashooda.

Tani mararka qaar waxay horseedi kartaa dagaal dhexmara lamaanayaasha gaar ahaan marka midkood iskudayo inuu wadahadal muhiim ah la yeesho kan kale ee ku mashquulsan moobilka. Arintaan ayaa waxay sidoo kale keeni kartaa in lamaanuhu ay isnacaan isla markaana lamaanaha kale uu bilaabo inuu raadsado meel kale.

  1. Lamaanahaaga oo hadalka aad ka jarto

Tani waa dabeecad aad u dhib badan oo ka careysiisa dadka badankood. Goynta sheekada ama hadalka qof waa mid edeb daro ah oo ka careysiin karta qofka.

Markuu lammaanahaagu isku dayayo inuu ku dhawaaqo ra’yigiisa, haka jarin xittaa waxa aad rabto inaad dhahdo haddii ay muhiim yihiin. Noqo dhageyste wanaagsan oo faham dhamaan waxyaabaha lamaanahaagu uu leeyahay taasoo ka dhigi karta lamaanahaaga mid ku jeclaado sababtoo ah dadku way jecel yihiin qofka ah dhageyste wanaagsan.

Related Articles

Back to top button

You cannot copy content of this page

error: Content is protected !!

Please allow ads on your site

It appears that you are using ad blocker. We rely on advertising to help fund our site. Allow Ads Fadlan ogoloow in xayeysiintu ay kuusoo muuqato Mahadsanid