Si kasta oo aad ugu baahan tahay inaad dareento jacayl iyo qadarin, waxyaabaha qaarkood looguma talagalin in qasab lagu raadiyo.
Waxyaabaha qaar inaad qasab ku raadiso waxay xiriirka ka dhigayaan mid aanan caafimaad qabin. Haddii ay noqoto inaad xiriir la yeelato qof, markaa wax walba waxay u baahan yihiin inay si habsami leh u socdaan oo waa inaadan waligaa qasab ku raadin seddexdan shay:
1. Waqti wada qaadasho
Ma ahan inaad lamaanahaaga ka barido wakhtigiisa isaga ama iyada. Haddii isaga/iyada ay runti rabto inay waqti kula qaadato, way kula qaadan doontaa haddayna rabin markaa diyaar uma ahan inay waqti kula qaadato.
Waligaa haku qasbin lamaanahaaga inuu waqti ku siiyo sababtoo ah Ku qasbida lammaanahaaga inuu ku siiyo waqtigiisa qayb kama aha xiriir caafimaad qaba.
2. Ixtiraam
Kuma qasbi kartid lammaanahaaga inuu ku ixtiraamo. Ixtiraamku wuxuu ku yimaadaa jacayl taasoo macnaheedu yahay haddii lamaanahaagu sheegto inuu ku jecel yahay markaa xushmeyntaadu waa inay qeyb ka noqotaa jaceylka.
Xiriirka runta ah waa inuu keenaa is ixtiraam. Waa in lamaanahaagu arkaa qiimaha aad leedahay iyo muhiimadda aad u leedahay noloshooda.
3. Isku soo dhawaansho iyo kalgacal
Xiriir qotto dheer macnihiisu waa isu soo dhowaansho. Jacayl macnihiisu waa in aad isjeclaataan. Kuma qasbi kartid lammaanahaaga inuu kuusoo dhowaado ama inuu jaceyl kuu qaado. Haddii isaga ama iyada aysan rabin, faraha ka qaad.
