Waxyaabaha Ay Raggu Sameeyaan Ee Sida Daran Uga Careysiiya Dumarka
Ragga iyo dumarka waa kuwo sameeya qaladaad kuwaas oo qaarkood saameeya guurkooda haddii aysan burburin. Ragga qaar ayaa ku dhaqaaqa qaladaad fudud kuwaas oo saameyn ku yeesha nolosha haweeneydiisa.
Waa kuwaan qaar kamid ah qaladaadka ay ragga qaar sameeyaan ee saameeya haweenka.
1. Waad iska indha tirtaa dareenkeeda (Ma tixgalisid)
Haddii aad dhug yeelato oo aad dhageysato, haweenka badankood ayaa kuu sheegi doona (ama ku tusi doona) waxa ay dareemayaan.
Inaadan qarwaaqsan shucuurtaas oo aadan ugu jawaabin si habboon ayaa waxay ku galineysaa xaalad xun.
Sababtoo ah dumarka guud ahaan waxay la jaanqaadaan dareenkooda ay rabaan in la fahmo lana aqoonsado. Waxay dareemayaan inay kuu dhow yihiin isla markaana ay ku ammaan qabaan xiriirkiina. Oo maxaa jira? Adigana way kuu fiican tahay.
2. Ma muujisid dareenkaaga
Waxay sheegtaa dareenkeeda adigana waxay sidoo kale kaa rabtaa inay kaaga maqasho. Dhaqanka ah inaad siiso hal eray oo jawaab ah, cuqdad iyo inaad isku daydo inaad is-adkeyso oo ah waxyaabo ay rag badan sameeyaan ayaa xaaskaaga galin karta dareen ah inaadan rabin iyo mudgi.
Khabiir dhanka xiriirka lamaanaha ah, ayaa ku taliyay “inaad u sheegto waxaad qabto, inaad ogeysiiso sida dareenkaagu yahay.” Tani waxaa ka mid ah markaad dareento dhaawac, cabsi, ama kalsooni darro.
3. Ma dareensiidid inay qiimo leedahay
In kasta oo baahida loo qabo in la dareemo qiimeyn aysan ahayn oo keliya wax ugaar ah dumarka (sidoo kale ay raggu u baahanyihiin ), hadana sida caadiga ah, haweenka ayaa la tilmaamay inay aad ugu fiican yihiin inay raga dareensiiyaan qiimo in ka badan inta ay ragga dareensiiyaan haweenka.
Billy Joel oo ah kahbiir dhan xiriirka lamaanaha ah, ayaa ku talinaya in ragga ay dumarka u muujiyaan kalgaceyl, qiimo iyo ixtiraam.
In kasta oo ragga caqliga badani ay had iyo jeer khaladaad xun ku sameeyaan haweenka iyo xiriiradooda, haddana waa in la ogaadaa in haweenku ay si siman u noqon karaan dambiile mararka qaarkood isla markaana qaladaad aanan la qaadan karin ay iyagana sameeyaan.
Xaqiiqdu waxay tahay in xiriiradu ay adag yihiin mararka qaarkood dumarka iyo ragguna ay wada sameeyaan qaladaad aanan xun.
4. Malo/uqaadasho
Waligaa iska ilaali inaad wax iska maleyso ama aad iska dhaadhiciso (Tani waa talo wanaagsan guud ahaan).
Ma aqrin kartid maskaxdeeda iyaduna ma aqrin karto taada. Waa inaad sameysaan xiriir wanaagsan haddii aad rabtaan wax kasta oo idiin dhaxeeya labadiina inay noqdaan kuwo adag oo caafimaad qaba.
