7 Waxyaabood Oo Aad Dareento Markaad La-joogto Lamaanaha Kugu Haboon Kaliya
La joogitaanka lammaanaha kugu haboon ama saxda ah waxay xiriirka ka dhigeysaa mid cajaa’ib leh; xiriirku wuu qurux badan yahay, fudud yahay oo dhib yar yahay marka lala joogo lammaanaha saxda ah.
Marka uu qalbigaagu dego isla markaana aad kujirto xiriirka saxda ah, waxaa jiraan waxyaabo gaar aad dareento:
- Xasilooni
Waxaad dareemeysaa xasilooni markaad la joogto lammaane wanaagsan oo kugu haboon; taasi waxaa loola jeedaa inaad ku qanacsan tahay qalbigaaguna daganyahay.Â
Waxaad gashaa dareen nabadeed iyo farxad markaad hesho lamaane wanaagsan oo kugu habboon.
- Faham
Waxaa dareentaa isfaham markaad la joogto lamaanaha kugu habboon. Fahamku waa meel muhiim ah oo xiriiro badan ay ka fashilanyihiin, laakiin markaad la joogto lamaane kugu habboon waxaad leedahay dareenkaas fahamka ah.
labadiinuba isku bog baad tihiin oo waxaa idiin fudud in aad wada xiriirtaan.
- Jaceyl
Tani waa xaqiiq; waxaad dareemi doontaa jaceyl markaad la joogto lamaane kugu haboon. Lamaanaha kugu haboon wuxuu kuula dhaqmi doonaa si wanaagsan wuxuuna ku tusi doonaa ka go’naansho, jaceyl iyo daryeel.
- Waxaa dareentaa inaad muhiim tahay
Lamaanaha saxda ah wuxuu ku dareensii doonaa kalgaceyl iyo inaad qiimo leedahay tanina waxay ku siin doontaa dareen ah inaad muhiim tahay.
Markaad la joogto lamaanaha kugu haboon, uma baahnid inaad u dagaalanto qiimo iyo fiiro gaar, waxaad si qotto dheer u ogtahay in si dhab ah laguu jecelyahay.
- Farxad iyo qanacsanaan
Waxaad dareentaa farxad markaad la joogto lamaanaha saxda ee kugu habboon. Waxaa jira dareen farxad iyo qanacsanaan ah.
Dareenka qanacsanaanta iyo farxadda ah ma ahan waxaad ka heli doontid xiriir kasta oo aad gasho.
- Ammaan
Markaad la joogto lamaanaha saxda ah, waxaad dareemeysaa ammaan; uma baahnid inaad iska dhigto qof aadan ahayn ama waxaadan ahayn.
Waxaa tahay asalkaaga ama qofkii hore ee aad ahayd.
- Ka go’naansho
Waxaa jira dareen qoto dheer oo go’naansho ah markaad la joogto lamaanaha kugu habboon isla markaana aad ku jirtid xiriirka saxda ah.
Labadiinuba waad ogtihiin meesha aad u soctaan waadna kawada shaqeysaan.
La joogitaanka lammaanaha saxda ah waxay keentaa dareenka iyo shucuurta saxda ah.
