Isbadalka dhaqanka ee hada dunida kajira ayaa waxa uu sababay in dumar badan ay noqdaan kuwo layaaban nooca ninka ku haboon inuu kasbado quluubtooda oo uu noqdo ninka kaliya ee ay heystaan ilaa geeridu ay kala geyso.
Arrintaan ayaa loo aaneeyay furriinka tirade badan ee xilligan soo kordhay. Si kastaba ha noqotee, maanta, waxaan idiin soo gudbineynaa nuucyada nimanka dhifka ah ee ay tahay inaad si adag gacmaha ugu qabsato.
1. Nin ixtiraama adiga iyo qoyskaaga
Waayahan dambe way adagtahay in la helo nin ku xushmeeya islamarkaana xushmeeya qoyskaaga.
Haddii fursad uun aad uhesho inaad shukaansato nin kugu xushmeeya sidaa tahay ama aad u egtahay oo sidoo kale xushmeeya waalidiintaada iyo guud ahaan qoyskaaga, waxaad hal tallaabo u jirtaa inaad ku raaxeysato waxa loo yaqaan nolol jacayl oo waarta.
Nin aan hoos kuu dhigin ayay adagtahay in la helo sidaa dateed, hadaad hesho waxaa luguugula talinayaa inaad si adag ugu hayso gacmahaaga.
2. Ninka qiimahaaga arko kuguna amaana wanaagaaga
Nin ku dareensiiya sidaad boqorad u tahay ayaa ah waxa kaliya ee loo baahan yahay markii la rabo xiriir muddo dheer jira oo waara. Inaad noqoto boqorad una dhaqanto sidii boqorad qudhaadu waxay keeni doontaa ninka inuu ogaado taas, hadii uu ogaadana markaa wuu kugu amaanayaa inta badan. Tani waa mid ka mid ah tayada dhifka ah ee ay adag tahay in la helo, mar haddii aad heshana waa inaad u qabsataa si adag.
3. Garab iyo gacansiin
Guurka waa in midba midka kale uu ku taageero riyadiisa. Nin isku dayo inuu ku niyad jabiyo adigoo rajo xumo qaba inta uu kula talinaayo waa in laga fogaadaa qiima kasta ha lahaadee. Waxaad ubaahantahay qof yididiilo leh oo ku taageera.
4. Aaminaad
Guur badan ayaa had iyo jeer u burbura arrimo la xiriira is-aaminaada. Haddii aad heysato shaqsi aamin ah oo isagana ku aaminsan islamarkaana aad ku aamini karto lacagtaada, sirtaada iyo waxyaabaha kale ee muhiimka ah, wiilkaas si dhow u ilaali. Way adagtahay in la helo.
5. Jaceyl dhab ah
Adduunyada maanta, dadku waxay xiriir u galaan ajandayaal xun. Si kastaba ha noqotee, haddii aad aragto qof gebi ahaanba ku jecel oo taasna ay tahay sababta ugu weyn uu kuu raadinayo ama kuu rabo, si naxariis leh waxaad isku daydaa inaad heysato ninkaas.
