Sirtu ma xuma, barashada ilaalinta sirtana waa xoog ay tahay in qof kastaa haysto. Nasiib darro, sir qarintu kuma jirto qaamuuska qaar badan.
Haddaba maxay yihiin waxyaalaha ay tahay in had iyo jeer sir ahaan loo xafido?
1- Riyooyinkaaga
Ha u tagin inaad la wadaagto riyooyinkaaga iyo yoolalkaaga qof kasta oo aad la kulanto, haddii kale riyadaada waa la dili doonaa. Haddii ay tahay inaad la wadaagto riyadaada, waa inuu noqdaa qof kaa caawin doona inaad riyadaas ka guul gaarto ama ugu yaraan qof kugu dhiirigelin doona.
Maahmaah ayaa odhaneysa: “Qof walba ma fahmi doono safarkaaga. Waa caadi! Waxaad halkan u joogtaa inaad ku noolaato noloshaada, ma aha inaad qof walba fahansiiso.”
Qofna ha u oggolaan in uu kaagala hadlo riyooyinkaaga.
2- Sir laguu sheegay
Haddii qof kuu sheego sir, markaas waa inay ahaato sir. Waa wax aan cadaalad ahayn inaad bixiso sirtaas ama dad kale aad la wadaagto. Ha sheegin sirta gaar ahaan marka si qarsoodi ah laguugu sheego.
3- Mad madawga qof
Iska ilaali in ay dhacdo inaad soo bandhigto taariikhda madow ee qof, ha sheegin. Ma jirto macno ama sabab qofkaas taariikhdiisa ama ciladihiisa madoow aad usoo bandhigto.
Arrintaan ayaa waxay dileysaa sharafta qofka mana jirto wax faa’ido ah aad adiguna ka heleyso.
4- Siraha qoyska
Cilladaha qoyskaaga waa inaadan waligaa banaanka keenin. Waa wax nacasnimo markaad cilladaha qoyskaaga ka dhigto mawduuc laga doodda.
Ugu dambeyn, wali waxaad ka mid tahay qoyska, isla dadka aad u sheegtay sirta ama cilladaha waaweyn ee qoyskaaga ayaa laga yaabaa inay yihiin kuwo adiga kuu adeegsan doona. Caqli yeelo!
Afartan shay waa in mar walba la qariyaa. Siraha oo la dhawraa waa inay noqotaa xoog ay tahay inuu qof walba yeesho. Si kasta oo aad u dooneyso inaad la wadaagto sirtaas, ha yeelin!
