7 Calaamadood Hadaad Ku Aragto Ninka Guur Iyo Mustaqbal Ayuu Diyaar U Yahay
Waxaa jira calaamado dhowr ah oo ka caawin kara haweeney kasta inay ogaato haddii ninku diyaar u yahay mustaqbal iyo inuu guursado islamarkaana ay tahay inay qaado tallaabada xigta ee xiriirka.
Hoos ka eeg qodobadaas.
1. Qoyskiisa iyo saaxiibadiis
Marka nin diyaar u yahay guur iyo Mustaqbal, wuxuu rabaa inaad la kulanto dhammaan dadka muhiimka u ah ee noloshiisa. Kaama fogeyn doono asxaabtiisa iyo qoyskiisa haddii uu diyaar u yahay inuu ku guursado.
2. Qorshihiisa mustaqbalka ayuu kugu daraa
Ma kugu daraa marka uu ka hadlayo yoolkiisa iyo qorshayaashiisa mustaqbalka? Ninka diyaarka u ah inuu ku guursado wuxuu isticmaalaa “annaga” marka uu ka hadlayo qorshihiisa mustaqbalka ee ma isticmaalo “aniga”, “aniga” iyo “wexeyga”.
3. Wuxuu muujiyaa jaceylka uu kuu qabo
Ninka diyaarka u ah inuu mustaqbal kula wadaago wuuku farxaal inuu muujiyo sida uu kuu jecel yahay iyo inuu doonayo inuu kula joogo. Marka ninku diyaar u yahay inuu mustaqbal kula wadaago islamarkaana uu rabo inuu noqdo ninkaaga, wuxuu bilaabaa inuu u dhaqmo sidii nin reer hogaamin kara oo kale.
4. Kama hadlo saaxiibtiis hore
Ninka diyaar u ah inuu mustaqbal kula wadaago kama hadlo mana soo hadal qaado riwaayado ku saabsan saaxiibtiis hore. Waxyaabahaas wuxuu u arkaa inay yihiin kuwo la soo dhaafay oo aanan u baahneyn in lasoo hadal qaado.
5. Waxyaabaha noloshiisa quseeya
Marka ninku diyaar u yahay inuu ku guursado oo uu masuuliyad qaado, wuxuu kula wadaagaa wax badan oo noloshiisa ah, sababtoo ah waxa uu rabaa in aad si dhab ah u ogaato wax walba oo isaga ku saabsan.
6. Fikradaada waa u muhiim
Haddii uu ku weydiiyo ra’yigaaga oo uu dhegeysto waxaad leedahay, waa calaamad weyn oo muujinaysa inuu ku ixtiraamayo oo uu kula raadinayo wax ka sii qoto dheer.
7. Wuxuu culeys kugu saaraa inaad fiicnaato
Haddii uu diyaar u yahay inuu mustaqbal kula wadaago, wuxuu kaa caawinayaa oo uu culeys kugu saarayaa inaad fiicnaato sababtoo ah wuxuu ogyahay inuu doonayo inuu kula qaato inta ka dhiman noloshiisa.
