Inaad la haasaawdo qof aad jeceshahay waxay noqon kartaa mid xiiso leh oo sidoo kalana cabsi leh isla waqtigaas. Farxad ayay leedahay sababtoo ah ugu dambeyntii waxaad la joogi doontaa qofaad jeceshahay, laakiin cabsida ay leedahay ayaa ah inaad baraneysid qofkaas adigoo aanan ogeyn waxa qofkaas kaa fogeyn kara. taasina waa sababta, aan ugu tixgelinayno xaaladdaas inay muhiim tahay.
Talooyinka soo socdaa waa inay ku hagaan kulanka koowaad. Hubi inaad raacdo talooyinkaan si aad u yeelato waayo-aragnimo aan laga shallayn karin.
1. Ha ku bixin wakhtiga inaad adiga kaligaa iska hadasho. Iyaguna ha ka hadlaan naftooda. Wuxu waa shukaansi, ha ilaawin.
2. Si xun ha uga hadlin lamaanahaagi hore. Wax wanaagsan ka sheeg xiriirkaagi hore haba yaraadaane ama waxba haka sheegin.
3. Si xad dhaaf ah ha u ammaanin qokfaad la haasaaweyso, marka laga reebo inaad u sheegto inuu u muuqdo ama ay u muuqato qof wanaagsan marka ugu horeysa ee aad la kulanto, ama aad wakhti fiican aad la qaadatay dhamaadka haasaawaha.
4. Nimanyahow, ha u kaxaynina meelo qaali ah kulanka ugu horreeya ee haasaawaha.
Haddii nin uu bilaabo inuu isla markiiba xadka ka saaro haweeneyda, waxay u iman doontaa had iyo jeer iyadoo filaneysa isla sidii hore oo ah inuu u kaxeeyo meelo qaali ah.
U kaxee meel fiican, deggan oo aan qaali ahayn, ilaa aad ka baranayso iyada iyo haddii ay run ahaantii ku jeceshahay. Gabdho, tani sidoo kale adinka ayay idin khusaysaa.
5. Si xun ha ula dhaqmin dadka kuu adeegaya markaad maqaayad tagtaan oo kale. haddii uu qofku arko adiga oo qof kale ula dhaqmaya si anshax-xumo ah, waxa uu inta badan kuu arki doonaa inaad tahay qof liita oo laga yaabo inuu sidaas oo kale ku noqdo xiriirka.
