Marnaba Ha Hilmaamin In Afartaan Waxyaabood Aad Isla Sameysaan Qofkaad Jeceshahay
Helitaanka lamaane wanaagsan waa farxad weyn. Lamaaneyaal badan ayaa kala taga sababtoo ah waligood waqti ay isku bartaan islama aysan qaadan.
Mar kasta isweydi waxaad rabto kahor intaadan qof shukaansan.
Waxyaabaha yar yar ee aad la sameyso lamaanahaaga ayaa haagin doona ama burburin doona jacaylkaaga.
Waa kuwaan waxyaabaha ay tahay inaadan marnaba hilmaamin inaad la sameyso jacaylkaaga.
- Damaashaad
Damaashaadku wuxuu lamaanayaasha siiyaa fursad ay ku caddeeyaan waxyaabo kala duwan. inta lagu guda jiro damaashaadka, waxaa jiraan waxyaabo aad la wadaageyso lamaanahaaga.
Waa wax wanaagsan in mararka qaar aad qaban qaabiso damaashaad si xiriirka aad uga dhigto mid aad u adag.
- Qorsheynta dhaqaalihiina
Lacagtu waxay kaalin weyn ka ciyaartaa xiriirka. Lacag la’aantu waa mid siyaabo kala duwan u saameyn karta xiriirkiina.
Lamaanayaashu waa inay kawada hadlaan arrimaha lacagta haddii ay rabaan inay muddo dheer isla joogaan.
Isweydiiya sida aad ku noolaan kartaan waqtiyada adag.
- Daacad isku ahaada
Ma jiraan wax ka wanaagsan lamaane daacad ah. Waxaad u baahantahay qof aanan waxba kaa qarin. La haasaawidda qof raba inuu kaa qariyo sirar badan kuma jahwareerineyso kaliya balse waqiga ayay sidoo kale kaa lumineysaa.
- Wadaaga dareenkiina
Inaad qariso dareenkaaga waxay si xun u saameyn kartaa xiriirka. Isgaadhsiintu waa furaha xiriirka haddii aad dooneysiin in guurkiinu waaro.
Labada lamaane waa inay isku fur furnaadaan isla markaana wadaagaan dareenkooda haddii ay rabaan inay waligood farxad ku noolaadaan.
