Waxyaabo Xiiso Leh Oo Adiga Iyo Gacalisadaada Aad Sameyn Kartaan Inta Lagu Guda Jiro Mudada Karantiilka
Maku daashay joogitaanka guriga adiga iyo lamaanahaaga maalintii oo dhan? Taasi waa wax la filaayay madaama sidoo kale aysan jirin wax la qabto waxaa dhalan kara muranno iyo gacan qaad micno darro ah.
Run ahaantii, dadkoo dhan ayaa ka daalay joogitaanka maadaama cudurka Coronavirus uu dhibaato ku haayo dunidoo dhan.
Haddii aad raadineyso wax caajiska kaa ilaaliya isla markaana noloshaada ugu yaraan hilmaamsiiya caajiska, hoos ka akhriso dhowr waxyaabood oo adiga iyo lamaanahaaga aad sameyn kartaan adinkoo gurigiina joogo.
1. Midba kan kale ha baro xirfad cusub
Xaqiiqdi waxaa jira wax aad si fiican u taqaan laakiin lammaanahaagu uusan garaneyn. Tusaale, Waxaad ku fiicnaan kartaa qaabeynta ama qurxinta sawirada, lammaanahaaguna wuxuu ku wanaagsanyahay ciyaarista gitaarka.
Waqtigan ayaad u isticmaali kartaan in midba midka kale uu baro xirfado duwan.
2. Wada barta xirfad cusub
Waxa kale ee aad sameyn kartaan si aad uga fogaataan jahwareer ama inaad ku cajistaan guriga inta lagu guda jiro karantiilka ayaa ah inaad barataan xirfad cusub.
Ka raadi qadka ama internet-ka wax xiiso leh oo wanaagsan oo labadiinuba diyaar aad u tihiin inaad wadabarataan.
Waxay noqon kartaa wax fudud sida, barashada Biisaha sida loo sameeyo iyo waxyaabo kale oo muhiim ah.
3. Daliigid jirka ama duugis
Kawaran haddii laguu daliigo jirka habeenkii adigoo gurigaaga jooga? Wax kasta diyaarso, xiro bijaanadaada ama dharkaaga jiifka kadibna bilaaw.
Midba kan kale waa inuu jirka u daliigaa ama u duugaa. Daliigitaanka jirka waa raaxo uu jirka u baahanyahay isla markaana lamaanayaasha ay sidoo kale u baahanyihiin inay isku sameeyaan.
4. La jimicso Xaaskaaga/seygaaga
Waa wax cajiib ah oo xiiso leh inaad la jimicsato qofaad jeceshahay. Casharada loogu talagalay dadka bilaawga ah ayaad ka daawan kartaan kadibna waxaad raaceysan tilmaamaha iyo qaabka loo jimicsanayo maalin waliba.
Waxay noqon kartaa waxa ugu horreeya ee aad sameyso subixii kahor inta aadan guda galin howlahaaga kale.
