Sameynta xiriir fog oo muddo dheer jira way adagtahay maadaama uu ubaahanyahay nafhur badan.
Waxaa intaas dheer inay adagtahay ogaanshaha in lamaanahaaga aad kala fogtihiin uu ku jecelyahay.
Si kastaba ha noqotee, waxaa jiraan waxyaabo ay tahay in qofku wax ka ogaado marka la eego caddeynta dareenka lammaanihiisa fog ee ku aadan isaga ama iyada.
Waa kuwaan 3 tilmaamood oo lagu garto jacaylka dhabta ah ee xiriirka lamaanayaasha kala fog.
1. Mar kasta wuxuu ku dadaalaa inuu kuu yimaado
Dhib malahan inta saacadood oo uu ku qaadanayo safarka si uu qofkaas kuugu yimaado: mar kasta wuu kuu imaanayaa qofkaas oo waxaa ka go’an inuu kuu yimaado.
Xaqiiqda ayaa ah in qofka marka uu muhiim kuu yahay wax kasta hakugu qaadatee ay go’naan doonto inaad u timaado.
2. Ma qariyo inuu kuu muujiyo sida uu urabo la joogitaankaaga
Way fududahay inaad ku dhawaaqdo ereyada ah “Waankuu xiisay” laakiin waxaa kasii muhiimsan inaad aragto lamaanahaaga oo sameynaya wax intaas kasii badan si uu u caddeeyo ereyadiisa.
Kasoo tag ereyada afka ah sida waankuu xiisay, waanku jeclahay, waxaad ku caddeyn kartaa in lamaanahaagu ku jecelyahay oo jacaylka uu daacad ka yahay ficilladiisa.
Sidaa darteed way fududahay in hadal lagugu qaldo ee yaanan hadal afka ah lagugu qaldin.
3. Ma sameeyo ballamo uusan ka bixi karin
Qofka sida aadka ah kuu jecel iyadoo aad kala fogtihiin ma sameynayo ballamo uusan oofi Karin.
Mar kasta qofkaas wuxuu kuu ahaan doonaa mid runta ilaaliya oo daacad kuu ah, isagoo iska ilaalinaya inuu kuugula dhaqmo waxyaabo qalbigaaga waxyeeleynaya, sida beenta iyo ballan kabaxa.
