Waa suurtagal inaad dib usoo kiciso dareenka jacayl ee aad u qabto qof kaa fog. Inkastoo aadan qofna ku qasbi Karin dareenkiisa adiga kugu aadan, waxaad hadana qaadi kartaa tallaabooyin si aad isku hormariso adiga una hormariso xiriirka. Waxaad xoogga saartaa qofka aad tahay iyo sida aad naftaada u hagaajin kartid.
Daacad noqo diyaarna u noqo inaad wax maqashid. Dulqaad yeelo sababtoo ah waxaad rabtaa inay wax hagaagaan maadaama laga yaabo in qofka aad rabtid uu ubaahanyahay waqti.
Waa kuwaan tallaabooyinka la qaado marka aad rabtid in qof mar kale uu kusoo jeclaado.
1. Isweydii sababta aad u rabto jacaylka qofkaas iyo inuu dib kuugu soo laabto
Waa muhiim inaad ogtahay sababta aad ugu baahantahay in qofkaan uu dib kuugu jeclaado. Miyaad rabtaa in lagu jeclaado maadaama aad dareentay cidlo ama kalinimo, ma u xiisaty, waxaad rabtaa inaad dib xiriir u yeelataan ama waxaad rabtaa inaad nolosha la wadaagto?
Ma ka qoomameysaa ficiladaada oo aad dooneysaa inaad wax ka qabato dembigii aad ka gashay qofkaas?
Haddii aad ogtahay waxaad ka rabto, waxaad yeelan kartaa sabab wanaagsan aad u raadiso jacaylka qofkaas. Waxay noqon kartaa inaadan heynin sabab wanaagsan. Waxaa macquul ah inaad u xiistay sida ay u wanaagsantahay in lagu jeclaado, laakiin aadan rabin inaad mar kale wadajir noqotaan, haddii ay sidaas tahay xaaladdaada, fadlan faraha ka qaad qofkaas oo ha lugooynin
Caddeey sababta aad u rabto qofkaan jacaylkiisa oo u jeedadaas hakaa caawisee inaad ku guuleysato jacaylka qofkaas.
2. Shaqsi ahaan ulahadal
Haddii aadan xoogaa la hadlin, waxay noqon kartaa inaad la hadasho. Maadaama ay caadi tahay inaad xiriir la sameyso adigoo u diraya farriin qoraal oo kale, hubi inaad shaqsi ahaan ula hadasho.
Haddii qofku uu ka gaabsado inuu kula kulmo ama ku arko, kadib sug waqti xoogaa ah kadibna mar kale isku day. Haddii uu kaa yeelo inuu kula kulmo, waa tallaabado koowaad oo ballan qaad leh.
Eeg sida ay u egtahay isla joogitaankiina iyo shucuurta labadiina. Ma u egtahay inaad dib ugu guuleysan karto jacaylkiisa?
3. Eeg haddii aad isku bog tihiin
Haddii aad rabtid inaad qof ka dhigto inuu mar kale kusoo jeclaado, hubi ugu yaraan in qofkaas uu rabo xiriir jacayl oo idin dhex mara. Haddii uu iska kaa fogeeyo ama uu kuu careysanyahay, rajo weyn ha isgalinin.
Waxaad u baahan kartaa inaad firaaqo siiso. Haddii uu kuu sheegay qofkaas inaysan dhaceyn inuu mar kale ku jeclaado, ha isku dayin inaad ka dhaadhiciso. Ixtiraam go’aanka qofka una ogoloow inay ogaadaan inaad u furantahay in mar kale xiriir jacayl aad la sameyso.
Haddii uu caddeeyo qofkaas inuusan rabin jeclaanshahaaga, ku dheh, “Waan ixtiraamayaa go’aankaaga, xittaa haddii qabo dareen ka duwan. Fadlan ogoow in tani ay tahay waxaan rabo, albaabka wuu furanyahay haddii aad rabtid inaad dib ugasoo fikirto.”
4. Waqti wada qaadasho
Way adagtahay inaad hesho jacaylka qof haddii aad farriimo u direyso ama Iimayl. Waqti wada qaata adinkoo aanan ka hadleyn waxa qaldamay ama qaldan. Sameeya waxyaabo aad ogtihiin inaad jeceshihiin.
Xasuuso maqaayadaha uu qofkaas jecelyahay ama filimaanta iyo waxyaabaha kale uu xiiseeyo oo kuu ogolaanaya inaad waqti wada qaadataan.
Kaliya, Waa inaad sameysaa wax kaa caawiya inaad waqti wada qaadataan oo aad dareento isku soo dhowaansho.
Sida inaad dib u sameyso waxyaabo xasuus idiin leh oo aad ku raaxeysateen. Tusaale ahaan, inaad dib u aadaan maqaayad cajiib ahayd ama aad soo kireysataan filimkii idinkugu horeeyay ee aad si wadajir ah u daawateen.
