Waxyaabaha Dhaca Marka Jacaylku Uu Run Yahay Kaliya

Waxaa jiraan xaaladdo si dhab ah loogu ogaado in jacaylku uu qalbiga yahay isla markaana uusan afka ahayn iyo sheeg sheegid uun.
Waa kuwaan qaar kamid ah waxyaabaha aad ku ogaan doontid in jacaylku yahay mid jiro oo dhab isla markaana uusan ahayn mid afka uun laga leeyahay.
Wax walba ayay isku taageeraan iskuna gacan siiyaan
Arrintaan ayaa ka dhigan inay wax waliba isku gacan siiyaan isla markaana ay isgarab taaganyihiin lamaanayaasha sida dhabta ah isku jecel marka ay isku baahdaan.
Ninku wuxuu gacan siiyaa isla markaana uu taageeraa xaaskiisa halka xaaskiisana ay si lamid ah isaga isagana u gacan siiso.
mustaqbal bay wada arkaan
Xiriirkooda kuma saleysno xaaladdaha markaa ku xeeran. Xiriirkooda kuma saleysno inay isku dan gaaraan ama ay wada raaxeystaan markaas.
Waxay arkaan mustaqbal ay wada dhisteen, ubad ay isku dhaleen haduu Alle (SWT) siiyo.
Mar kasta waxay diyaar u yihiin inay wajahaan dhib kasta oo kahor yimaada
Ma ahan inaysan ka cabsaneyn dhib laakiin arrinta ayaa ah inay diyaar u yihiin in iyagoo wadajir ah ay ka gudbaan dhib walba.
Sidoo kale waxay rajeeyaan kuna duceystaan in xaalado xun uusan Alle (SWT) la kulansiin.
Way isjecelyihiin waxayna doonayaan nolosha inta uga dhiman inay isla qaataan
Waxay qorsheystaan inta noloshooda ka hartay inay si wadajir ah iskula qaataan, mana ahan waxooda kumeel gaar iyo wax lamid ah.
Waxay dajisteen qorshayaal iyagoo ku raaxeysta farxaddooda maanta sidoo kalana ka fekera berri.
Xiriirkooda si wadajir ah ayay umaalgeliyaan
Tan ayaa ka dhigan in labada lamaane ay waqtigooda wanaagsan iyo hantidooda geliyaan xiriirkooda, mana ahan mid hal qof kaliya lagu daneysto.
Ninka xiriirka uguma jiro inuu ku dan gaaro gabadha, gabadhana xiriirka uguma jirto inay ku daneysato ninka oo lacagtiisa isticmaasho kadibna ay ka dhaqaaqdo.
Labada lamaane si siman ayay isku rabaan.