Shabakadda Aayaha, ayaa waxay idiin soo gudbineysa waxyaabaha muhiimka ah ee guurku uu si dhab ah ugu baahanyahay isla markaana lamaanayaasha laga doonayo inay isku sameeyaan.
Hoos ka akhriso.
1. Garab
Guurku wuxuu u baahanyahay lamaane u dhabar adeegta abaar iyo aaran. Dhib malahan haddii aad maalin shaqo aado oo ay shaqo la’aani kugu soo dhacdo amaba shaqo aad weyso sababtoo ah lamaanahaaga ayaa mar kasta diyaar u ah inay ku caawiso.
2. Xumaan iyo samaan
Guurku wuxuu yeeshaa xumaan iyo samaan intaba. Waxaa jiri doonto waqti aad umaleyn doonto in guurkaagu burburi rabo balse taas badalkeeda waxaad qaadaneysaa xumaanta sababtoo ah wanaagga ayaa kabadan xumaanta.
3. Tanaasul
Guurku waa tanaasul. Waa inaad tanaasushaa oo aad u tanaasushaa lamaanahaaga. Waa labada qof uusan mid kaliya tanaasulin balse midba kan kale uu utanaasulaa si mid walba uu kan kale uga farxiyo.
Guur aanan lahayn lamaane isku tanaasula waxaa hubaal ah inuu burburayo. Waa laguu tanaasulaa ee tanaasulka qaado balse ha noqon qofka kaliya ee loo tanaasulo balse aanan isagu tanaasulin.
4. Jacayl
Guurku waa jacayl. Dareen jacayl ayaa ku gala markii ay lamaanahaaga kuu dhoollacadeyso, Markii aad farriin jacayl ka hesho lamaanahaaga, waxaad aragtaa adigoo dhoollacadeynaya markii ay ku ammaanto.
Waa wax cajiib ah oo aanan la heli Karin jacaylka shuruud la’aanta ah.
5. Kalsooni
Jacaylku waa kalsooni. Waxaad ogtahay in lamaanahaaga uu doortay inuu nolosha kula wadaago dhib iyo dheef. Waxaad ogtahay in lamaanahaaga uu ku garab istaagayo wax walba oo dhaca.
