Jacaylku kama dhigo guurka mid shaqeeya, saddexdaan waxyaabood oo ka dhigo mid shaqeeya

Jacaylka ayaa la sheegay inuusan aasaas u ahayn guurka isla markaana uusan ka dhigin mid shaqeeya.
Waxaa u baahantahay wax kabadan jacayl si aad qofka ula qaadato dhammaan maalmaha noloshaada ka dhiman.
Guurarka guuleysta ayaa lagu dhisaa saddexdaan arrimood ee hoos ku xusan:-
1. Aqoon
waxaad u baahan tahay aqoon badan si ay kuugu suurtagasho inaad la noolaato qofka aad ugu yeerto Seeygaaga ama Xaaskaaga.
Aqoonta waxay kaa caawineysaa inaad ogaato sida nin iyo naag ay u macaamilayaan. Aqoontu waxay sidoo kale kaa caawineysaa kuna bareysaa baahiyaha aasaasiga ah ee ninka taasoo ah ixtiraam iyo baahida haweeneyda oo iyadana sidoo kale ah ixtiraam iyo jacayl.
Hubi inaad akhriso buugaagta ka hadlo guurka isla markaana aad ka qeyb gasho siminaaro kaa caawin doona inaad guurkaaga ka dhigto mid shaqeeya.
2. Isfaham
Run ahaantii halkani waa meesha aad ku fahmeyso sida loo ixtiraamo ninkaaga ka haween ahaan iyo sida kalgacayl loogu muujiyo xaaskaaga ka nin ahaan.
Waa inaad hindistaa qaabab hal abuur leh oo aad ku sameyneyso sidaas. Aqoontu waxay ku siineysaa fahamkaas.
3. Waxgaradnimo
Waxaad u baahantahay inaad noqoto qof caaqil ah si aad ula tacaamusho Xaaskaaga ama seygaaga si wanaagsan.