Miyaad mar kasta Caadada kadib aragtaa madax xanuun? Madax xanuunka yimaada xilliga Caadada kadib ayaa waxaa sababa dhowr arrimood.
Hoos ka akhriso sababaha macquulka ah ee keeni kara madax xanuunka xilliga Caadada kadib, sida ay sharaxday Diktooreysa lagu magacaabo Holly Ernst, PA-C.
Heerarka birta ama feerada oo hooseeya
Heerarka birta ama feerada oo yaraata ayaa waxay sababi karaan madax xanuun aad u daran. Haween badan ayaa waxaa ku dhaca dhiig bax daran xilliga Caadada.
Haweenka la kulma dhiig qulqul culus ayay u badantahay inuu ku dhaco madax xanuun daran taasoo ay ugu wacantahay birta oo ku yaraata jirkooda.
Haweenka noocaas ah ayaa waxaa lagula taliyaa inay cunaan cuntooyinka ay ka buuxdo birta si ay u bedelaan dhiigii ka baxay.
Isku dheelitirnaan la’aan dhanka Hormoonada ah
Heerka hoonadaada ayaa isbedela marka aad ku jirto xilliga Caadada. Hormoonada lagu magacaabo Estrogen iyo progesterone ayaa ah kuwa uu isbedelka ku dhaco xilliga Caadada.
Isbedelada ku yimaado heerarka Hormoonada estrogen iyo progesterone ayaa ah kuwa kiciya madax xanuunka xilliga Caadada kadib.
Si kastaba, tani waa inaysan walwal kugu ridin maadaama aad iskaga baabi’in kartid kaniiniyada Xanuun Baabi’iyeyaasha ah.
Madax xanuunka waa wax caadi ah inta lagu guda jiro biloowga, kala barka ama dhammaadka xilliga Caadada.
