Biilasha korontada ayaa noqon kara mid kamid ah waxyaabaha madax xanuunka kugu rida sidaa darteed waxaan ku siineynaa habab lagu keydsado tamarta oo aanan u baahneyn maalgelin weyn.
Waa kuwaan qaar kamid ah hababka lagu hubiyo inaad yareyso isticmaalka koronto badan.
- Yareey heerkulka biyo kululeeyayaasha
Biyo kululeeyayaasha waxay cunaan koronto farabadan balse si fudud ayaa tan loo xakameyn karaa adigoo yareynaya heerkulka.
Waxaad dooran kartaa inaad istcimaasho kululeeye dhex dhexaad ah marka loo barbardhigo heerkulka sare. Waxaad sidoo kale sameyn kartaa inaad gabi ahaanba damiso biyo kululeeyayaasha mar kasta oo aadan joogin ama aad maqantahay.
- Ku dhaq dharka biyo qaboow
Heerkulka aad ayuu u sareeyaa markaad dharka dhaqeyso, mashiinka dharka lagu dhaqdana wuxuu isticmaalayaa koronto badan.
Bad baadso tamarta adigooo wax ka bedelaya heer kulka biyaha si aad u ilaashato xoogaa tamar ah.
- Iibso qalabka tamarta lagu keydiyo
Haddii ay tahay makiinadda dharka lagu dhaqdo, biyo kululeeye ama nalalka; uraadso qalab leh tamar keydin oo lagu xiro.
Qalabkaan waxay istcimaalaan koronto yar marka loo eego kuwa kale.
- Qubeys yar oo gaaban adigoo ku qubeysanaya biyo diiran
Ku qubeysashada biyo diiran waqti badan ayaa laga yabaa in lag helo firfircooni balse isla waqtigaas ayay tubbooyinka isticmaalayaan koronto badan.
Ku qubeysashada biyo diiran waqti yar ma yareyneyso korontada balse waxay kaa caawin doontaa inaad biyo keydsato.
- Korontada ka saar qalbka sida jaajarada
Badanaa dadka waxay leeyihiin dabeecado ah inay jaajarada, telefishinada ay korontada uga tagaan iyagoo aanan isticmaaleyn.
Qalabkaan oo aanan laga saarin godadka korontada ayaa mar kasta keena inay isticmaalaan koronto iyadoo ay jirto inaanan la isticmaaleyn.
