Waxaa laga yaaba inaad hesho Cusbooneysiin kala duwan oo aad ku sameyso WhatsApp-kaaga sanadkaan 2019 balse Sanadka 2020 marka la gaaro taleefan waliba kuma shaqeyn doono Whatsapp.
Shirkadda WhatsApp ayaa soo saartay liiska taleefanada aanan ku shaqeyn doonin WhatsApp.
Waxaa intaas dheer in WhatsApp uu yahay barnaamij si weyn loo isticmaalo waana muhiim inaad eegto halka taleefankaaga uu kaga jiro taleefanadaan laga joojin doono in WhatsApp ay ku shaqeeyaan.
- Taleefanada iPhone eek u shaqeeya barnaamijka IOS 8 iyo wixii ka weyn
Dadka isticmaala taleefanada noocyadan ah iminkaba ma abuuri karaan akoono cusub ama dib uma xaqiijin karaan akoonadoodii ay horey u isticmaali jireen sida lagu sheegay war kasoo baxay shirkadda WhatsApp .
Barnaamijka IOS 8 ayaa lasoo saaray bishii September 17 sanadkii 2014 waxana lagu sameeyay taleefanada Iphone 4S, Iphone 5, Iphone 5c, Iphone 5s iyo Iphone 6/6plus.
Taleefanadan ma shaqeyn doonaan laga bilaabo February 1, 2020.
- Taleefanada Android-ka ee ku shaqeeya Software-ka 2.3.7 iyo wixii ka weyn
Waad ogaan kartaa nooca uu yahay taleefankaaga iyo barnaamijka Software-ka ah uu ku shaqeeyo adigoo raacaya tallaabooyinka soo socda, fur Setting hoos aad doooro qeybta ay ku qorantahay About phone.
Haddii aadan arkin qeybtaan, dooro system first, raadi qeybta Android version kadib waxaad arkeysaa nooca ama Version-ka taleefankaaga uu ku shaqeeyo.
Taleefan kasta oo ku shaqeeya Software noociisu yahay 2.3.7 iyo wixii ka weyn waxay kamid yihiin taleefanada aanan ku shaqeyn doonin barnaamijka WhatsAPP sanadka 2020.
- Taleefanada lagu magacaabo windows phones
Taleefanadaan waxaa kamid ah kuwa ku shaqeeya Software-ka Microsoft 10. Waxaa ku jiro Cherry Mobile Alpha products, Taleefanada Acer Liquid, Coship Moly iyo Freetel Katana iyo kuwo kale oo badan.
Qeybta tageerada WhatsApp ayaa laga saari doona December  31, 2019 waana isla maalinta ay shirkadda Microsoft joojin doonto tageeradeeda Software-ka Windows 10 ee ku shaqeeya taleefanada OS.
