Wargeyska Newyork Post: Ilhaan Cumar Waxay $150,000 oo dheeraad ah siisay jacaylkeeda cusub Tim Mynett
Ilhaan Cumar oo ka tirsan aqalka Kongreska Mareykanka, ayaa $150,000 oo dheeraad ah siisay kooxda la-talinta dhinaca siyaasadda ninka lagu magacaabo Tim Mynett sadexdii bilood ee lasoo dhaafay.
Arrintaan ayaa timid kadib markii wargeyska Nypost, uu markii ugu horeysay shaaca ka qaaday xiriirka jacayl ee ka dhexeeya Ilhaan Cumar iyo Tim Mynett oo ah nin cadaan ah.
Haweeneydaan 37 sano jirka ah ee laga soo doortay gobolka Soomaalida Mareykanka ee Minnesota, ayaa la sheegay in lacagaha ugu dambeeyay ee ay siisay kooxda Tim Mynett inay ahaayeen kuwo loogu talagalay xayeysiimo, muuqaallo sameyn iyo waxyaabo kale.
Marka uu banaanka yimid warka ah in Ilhaan iyo Mynett uu xiriir isu soo dhowaansho ah ka dhexeeyo , waxay goor sii horeysay Ilhaan ololeheeda ku bixisay $223,000 tan iyo sanadkii 2018, lacagtaas oo lagu bixiyay, talooyin lacag aruurin ah, xayeysiin internet-ka ah, isgaadhsiinta dhigitaal ah iyo kharashaadka safarka kooxda E Street Group, taasoo wadarta lacagta ka dhigeysa $370,000.
Ilhaan Cumar iyo Mynett ayaa qorsheynaya in xiriirkooda ay si rasmi ah ugu dhowaaqaan bilaha soo socda maadaama Ilhaan ay dhowaan si rasmi ah iskaga furtay ninkii Soomaaliga ahaa ee qabay isla markaana ahaa aabaha caruurteeda.
Wargeyska Dailymail, ayaa shaaca ka qaaday in Ilhaan iyo lamaaneheeda cusub ay iminka yihiin dad si aada iskugu dhow isla markaana kuwada hoyda hal guri, iyadoo sidoo kale dhowr jeer uu wargeyskaan helay sawirada lamaanahan oo gacmaha isheysta isla markaana kasoo baxay goobo baarar ah.
