Sababo kala duwan ayay dadka u guursadaan inkastoo qaar kamid ah sababahan ay noqdaan qaladaad weyn.
Waxaad u baahantahay inaad si wanaagsan u qiimeyso naftaada si aad u sameyso sababo dhab ah oo loo guursado.
Waa kuwaan qaar kamid ah sababaha ugu xun ee aad u guursan karto.
- Waxaad ka cabsatay kalinimo
Kalinimadu waa sax way xuntahay balse inaad u guursato si aad uga baxdo kalinimada waa qalad sababtoo ah waxaad guursaneysaa qofaan kugu habooneyn si aad wehel u hesho.
Qof kasta kuguma haboona sababtoo ah waxaad lugaha la gali kartaa qof dhibaato kuu horseeda.
Waxaa intaas dheer in qofna uusan farxad ka heli doonin la joogaa haddii aadan ku faraxsaneyn kalinimadaada.
- Saaxiibadaa dhan way guursadeen
Ha u maleyn inaad kaligaa hartay marka saaxiibadaa dhan ay wada guursadaan. Xaqiiqda ah inaadan guursan ayaa waxay ka dhigantahay inaan waqtigaagi wali la gaarin.
Way wanaagsantahay haddii aad tahay qofka ugu dambeeya ee guursada intaad noqon lahayd qofka ugu horeeya ee la furo.
Hadaba, waxaad sugi kartaa saaxiibadaa si ay kuu siiyaan talo ku aadan qibradahooda guurka oo kaa caawin doona inaad raadsato qofka kugu wanaagsan.
- Ma rabtid inaad dhaawacdo dareenka lamaanahaaga
Waa qalad weyn inaad aqbasho guursashada qof adigoo ka cabsanaya in hadaad diido ay waxyeelo soo gaarto dareenkiisa/keeda.
Xaqiiqda ayaa ah in guurku uusan shaqeyneyn waxana sabab u ah in jacaylku uu hal dhinac yahay marxaladdan.
Haddii aad ogtahay inaadan jecleyn qofka aad guursaneyso waxaa kuu wanaagsan inaad faraha ka qaado intaad aqbali lahayd inaad la saldhigato iska markaana aad boorsooyinka kala qaadan lahaydeen sanado yar kadib ama aad maalin kasta dagaalami lahaydeen.
