Sababaha Ugu Waaweyn Ee Keena In Lamaanuhu Isnacaan

Dunida aan maanta joogno oo dhan, waxaa jiraan lamaaneyaal si wadajir ah iskula nool balse aanan isjecleyn.
Xaaladaha qaar, dadka way isnacaan iyagoona wali isla wadanool balse maxaa keena inay dadka isnacaan?
Hoos ka akhri 3 sababood oo waaweyn oo keena in lamaanuhu isnacaan;
- Midba kan kale ma buuxiyo baahiyihiisa
Jacaylku horey ayuu u socda marka labada qofood uu midba kan kale la kulmo baahiyahiisa. Jacaylku wuu ka dhamaadaa qalbiga haweeneyda marka uu seygeeda ku guul daryesto inuu la kulmo baahiyaheeda.
Isla sidaas ayaa ku dhacda ninka marka xaaskiisa ay ku guul daryesato inay ixtiraamto. In labada ruux ay qanacsanaadaan waa furaha guur kasta uu ku guuleysan karo.
Sidaa darted waa inaad mar kasta ku dadaashaa inaad kazoo baxdo waxa ay xaaskaaga/ninkaagu kaa filayo.
- Isku xirnaan la’aan
Marka xiriirku uu cusubyahay waxaa lamaanaha laga doonayaa inay dulqaataan. isku xirnaan la’aanta waxay xiriirka u keentaa caajis iyo guuldaro.
Hadaba waxaa lagama maarmaan ah in midba kan kale uu si wanaagsan u barto kahor intaysan go’aansan inay wadajir noqdaan.
Lamaanaha uu guurkoodu guuleysto waa kuwa wadaaga Samir isla markaana isku dulqaata oo had iyo jeer isku xiran.
- Soojiidashada oo meesha ka baxday
Caadiyan, marka xiriirku cusubyahay, intabadan soo jiidashada waa mid aad u sareysa. Waxaan ula jeedaa dadku waxay dareemaan inay aad iskugu dhowyihiin.
Nasiibdarro, soojiidashadaas meesha way ka baxdaa gaar ahaan marka labada lamaane ay ku guuldaryestaan inay waqti wada qaataan ama wadaraaxeystaan.
Soojiidashada dib ayaa nooleyn karaa iyadoo lamaanayaasha ay isla qaadanayaan waqti isku soo dhowaansho.
© www.aayaha.net
Waad ku mahadsantahay akhrinta maqaalkeyga! Waxaad qayb libaax ka qaadatay guushayda qoraa ahaan.