5 Waxyaabood Ay Raggu Sameeyaan Oo Kalsooni Darro Ku Abuura Haweenka (Iska Jir)

Haweenku kuma raaxeystaan guurka haddii kalsooni darro la geliyo, iyadoo ragga qaar ay wax caadi ah la tahay waxyaabaha qaar ay sameynayaan balse ay yihiin kuwo shaki iyo kalsooni darro ku abuuraya haweenka isla markaana burburinaya guurka.
Marka, maxay yihiin waxyaabaha qaar ee raggu ay sameeyaan balse kalsooni darro geliya haweenka?
Inaad haween kale kuhor ammaanto
Markaad haweeney kale ku hor ammaanto xaaskaaga, waxa kaliya ee aad sameysay ayaa ah inay shaki ka qaado adiga iyo xiriirka.
Maadaama ragga ay ku fekeri karaan inay arrintaasi qalad ahayn balse waa arrin foolxun iyo nooc kamid ah xushmad darrada oo aad u geysatay xaaskaaga.
Soo qaadista xasuuseheedii hore
Kalsooni darro ayaad gelisay xaaskaaga markaad soo qaado cilladeheedii hore. Waxyaabhihii hore way dhaawacayaan haweeneyda gaar ahaan markuu qof xasuusiyo waxyaabihii xumaa ee ay sameysay.
Looma baahan in lagu eedeeyo waxyaabo qalad ah ee ay horey u sameysay gabadha.
Ma bartid qoyskaaga iyo saaxiibadaa
Haweeneydaada waxay dareemeysaa xushmad darro maraakadan barin ama la kulansiin qoyskaaga iyo saaxiibadaa.
Miyaysan u qalmin inaad barto dadkaaga? Ogoow markaad barto qoyskaaga iyo saaxiibadaa inay dareemeyso ixtiraam, kalsooni iyo inay tahay qof la rabo oo mustaqbal laga leeyahay.
Wali waxaad la hadashaa qoftaadi hore
La hadlidda qoftaadi hore marnaba caafimaad uma ahan xiriir cusub, waxaana hubaal ah in arrintaasi ay kalsooni darro gelineyso haweeneydaada.
Isweydii sida aad dareemi lahayd markay bilaawdo inay sidoo kale la hadasho nin ay horey saaxiibo u ahaayeen.
Qarinta taleefankaaga
Markaad taleefankaaga ka qariso xaaskaaga ama aad istcimaasho adigoo qarinaya waxaad ku abuurtay shaki iyo kalsooni darro.
Maxaad ka qarineysaa haddii aad daacad u tahay iyada?