Noocyada ugu badan ee Kansarka waa Kansarka maskaxda. Badanaa waxaa jira astaamo badan uu leeyahay cudurkaan Kansarka oo lagu aqoonsan karo.
Waa kuwaan 5 calaamadood digniin ah uu leeyahay Kansarka Maskaxda.
- Madax xanuun aad u daran
Madax xanuunka aadka u daran waa astaamo guud oo saameeya ku dhawaad boqolkiiba konton dadka ka cavanaya Kansarka maskaxda.
Badanaa madax xanuunka waa isdaba joog wuxuuna daranyahay markaad subixii kacdo.
- Xasuus gab iyo jawareer
Badanaa arrintaan waxay dhacdaa markay buro ku taalo madaxa qeybta hore ama qeybta dambe. Taasoo sidoo kale saameyn ku yeelan karta go’aan sameynta.
Waxay sidoo kale la timaadaa ka fiirsasho la’aan iyo jahwareer.
- Luminta xakameynta howlaha jirka
Maskaxda waxay masuul ka tahay dhammaan shaqada intabadan unuyada jirka. Caadiyan, marka qofka ay ku dhacdo Kansarka maskaxda, howlaha qaar ayaa istaaga tusaale ahaan luminta kontoroolka kaadiheysta.
- Caajis iyo hurdo badan
Calaamad kale oo ay leedahay burada maskaxda ayaa ah in qofku hurdo badan dareemo iyo dabcsanaan ama tabardarro.
Xaaladdan ayaa u badan subixii markaad kacdo. Mararka qaar waxaad ku dhibtooneysaa inaad hurudo sabab la xiriirta isbedelka maskaxda.
- Aragtida oo yaraata gaar ahaan hal dhinac
Burada maskaxda waxay saameyn ku yeelataa aragga iyadoo kaa dhigeysa inaad hal sheey laba u aragto ama waxa ay kuula muuqdaan qiic.
Waxaad u maleyn kartaa inay tahay dhib isha heysto balse waxay noqon calaamad buro maskaxda ku taala ah.
Waxaa muhiim ah inaad dhaqtar aado haddii aad la kulantay astaamahan.
