Ixtiraamka waa waxa ragga oo dhan ay uga baahanyihiin xaasaskooda ay jecelyihiin. Xushmadda badan ee aad tusto waxay keeneysaa in jacaylka uu kuu qabo uu siiyaado.
Ma ogtahay inay jiraan waxyaabo aad sameyso oo ninkaaga ka dhiga mid dareema ixtiraam.
Waa kuwaan qaar kamid ah siyaabaha ixtiraam lagu tuso ninkaaga.
Uga mahad celi dadaalkiisa
Qof kasta wuxuu u baahanyahay in loo mahadceliyo marka uu wax sameeyo, xittaa ha noqdaan wax yar. Haddii ninkaagu sameeyo wax wanaagsan ku dheh “mahadsanid” waxba kaama jareyso.
Ereyadaan micno weyn ayay ugu fadhiyaan. Waxay ku dhiiri gelin doonaan inuu dadaalkiisa mar kale sii laba laabo.
Digtooni sii
Inaad hadalka ka qasto ama aad kadaba hadasho isagoo kula hadlaya waa xushmad darrada ugu weyn ee aad ninkaaga tusi karto.
Si aad u tusto ixtiraam, sii waqti uu ku hadlo oo adigana hadal marka uu isaga hadalka dhameysto.
Ku ammaan caruurta hortooda
Ma ogid sida uu tani ugu farxayo. Inaad ammaan ugu qubeyso ninkaaga caruurtaada oo joogaan waxay tuseysaa inaad qiimeyso aabaha caruurtaada.
Tani waxay sidoo kale keeneysaa in caruurta ay ixtiraamaan aabahood.
Raalligeli markaad qaldantahay
Ma jiro qof bini aadam ah oo aanan qalad sameyn. Sheeyga ugu wanaagsan ee la sameeyo ayaa ah inaad si dhab u raalli geliso isla markaana u ballan qaado inaadan qaladkaas dib u sameyn doonin.
Taasi waxay ogeysiineysaa ninkaaga inaadan kibir badneyn isla markaana aad xushmad u heyso.
