Cabitaanka Mooska waa mid kamid ah cabitaanada dhadhanka leh ee aad u baahantahay inaad tijaabiso.
Waa macaan isla markaana nafaqo badan u leh jirkaaga. Aad ayay u wanaagsantahay inaad qaadato mooska amaba kasii wanaagsan inaad cabitaan ahaan u shiidato.
Faa’idooyinka soo socda ayuu u leeyahay jirka.
1.Caafimaadka maskaxda
Cabitaanka Mooska waxaa ku jira potassium oo ah kiimiko aad ugu wanaagsan maskaxda. Waxay xoojisaa awoodda maskaxda iyadoo kaa dhigeysa qof feejigan.
Waxay kaloo kor u qaadaysaa xusuustaada. Caruurta caba cabitaanka Mooska waxbadan ama cuna mooska ayaa la sheegay inay leeyihiin xasuus wanaagsan marka ay noqoto waxbarashada.
- Kordhinta Tamarta
Sonkorta ku jirta cabitaanka mooska ayaa ku siineysa tamartaad ugu baahneyd si aad u firfircoonaato maalintii oo dhan.
- Wuxuu xakameeyaa walwalka
Haddii aad walwal dareento, cabitaanka Mooska ayaa ah kan kugu habboon. Waa mid ku xasilinaya.
- Wuxuu u wanaagsanyahay dheefshiidka
Cabitaanka Mooska ayaa ah mid aad u wanaagsan markay timaado dheefshiidka. Waxaa aad ugu badan maadada Fiber-ka oo u wanaagsan dheefshiidka.
Haddii aad qabto calool fadhi, qaado hal galaas oo cabitaanka Mooska ah waxana dhibkaaga loo xalin doonaa si dhaqsi ah.
