UGAAR AH RAGGA: Siyaabaha Loo Daryeelo Xaaskaaga

Haweenka way nugulyihiin, raggana waa masuuliyad saaran inay daryeelaan isla markaana ilaaliyaan. Xaaskaaga waxay kaaga baahantahay inaad ilaaliso.
Waad daryeeli kartaa xaaskaaga adigoo u sameynaya waxyaabahan hoos ku xusan.
- Biilasha ka bixi
Haddii ay shaqeysato oo ay lacag hesho iyo haddii kale, waa masuuliyaddaada inaad biilasha iyo wixii ay u baahantahay aad ka bixiso xaaskaaga.
Ha uga jarin biilasha xaaskaaga way shaqeysataa darteed. Noqo nin dadaal u dadaala xaaskiisa iyo caruurtiisa. Bixinta biilasha iyo adeegyada kale ee loo baahanyahay waa waxa laga rabo seey kasta.
- Mararka qaar daryeel caruurta
Waxaa macquul ah inaadan waxba kala socon daalka ay leedahay daryeelidda caruurta maalin kasta.
Inkastaoo ay saarantahay masuuliyadda inay daryeesho caruurta, waxaad u baahantahay in ugu yaraan todobaadkii aad hal jeer ka nasiso.
La joog caruurta, xafaayadda ka bedel, u qubeey, ciyaarsii una ogoloow xaaskaaga inay maalintaas iska soo dalxiisto ama ay saaxiibadeed waqti lasoo qaadato.
- Dalxiis u wad
Kadib todobaadyo isdaba joog ah oo ay shaqo ku jirtay waxay u baahantahay inay waqti adiga kula soo qaadato. Uwad damaashaad oo waqti wanaagsan isla soo qaata.