Si lamida haweenka kale, xaasaska waxay sidoo kale rabaan in raggooda ay si wanaagsan ula macaamilaan.
Waxaa jiraan waxyaabo ay xaasaska jecelyihiin in raggooda ay si joogto ah ugu dhahaan. Weedhahaas waxay mar kasta ku ogaanayaan in raggooda ay wali qiimo ugu fadhiyaan isla markaana ay boos weyn ku leeyihiin qalbiyadooda.
Hoos ka aqriso qaar kamid ah weedhahaas ay xaas kasta jeceshahay inay ka maqasho ninkeeda.
- “Waanka xumahay.”
Mar kasta uu seeyga qaldanyahay, yuusan u qaadan in wax walba ay si caadi ah u hagaagi doonaan ralligelin la’aan.
Sidaa darteed, had iyo jeer way wanaagsan tahay inaad raaligeliso, maadaama ay tani tuseyso naagtaada inaad aqbashay inaad run ahaantii qalad sameysay.
- “Waxaan maanta dhan u hamuun qabay inaan ku arko.”
Marka ninka uu guriga kusoo laabto, Inuu xaaskiisa ogeeysiiyo sida uu ugu xiisay waa arrin aad muhiim u ah. Taasi waxay si cad u tuseysaa intaad ka fekereysay xaaskaaga adigoo maqan.
- “Waxaan ka fekeraayay waxaad ii sheegtay…”
Weedha tanoo kale ah waxay xaaskaaga tuseysaa in wixii ay kuu sheegtay aadan meel uga tagin.
U sheegidda tan waxay xaaskaaga ka dhigeysaa mid dareenta wanaag iyadoo sidoo kale ogaaneysa in wax kasta ay kuu sheegto aad qaadato si dhab ah.
