Ereyada kalgacaylka leh waxay ilaaliyaan guurka iyo isusoo dhowaanshaha lamaanaha. Way wanaagsantahay in lamaanahaaga xaaskaaga/seygaaga aad ugu qubeyso ereyo macaan iyo amaan hadda iyo mar kasta.
Si aad u hesho guur adag oo caafimaad qaba, waa kuwaan 3 ammaan oo marna waligood gaboobin.
- ” Aad ayaan ugu faraxsanahay inaan ku guursaday “
Sidee dareenkaagu noqonayaa markaa ereyo noocaas ah ka maqasho lamaanahaaga? Dabcan waa wax weyn.
Si joogto ah u xasuusi lamaanahaaga in guursashadeeda ama guursigiisa uu ahaa dookhii ugu wanaagsanaa ee aad waligaa sameyso.
Xasuusi lamaanahaaga sababta aad u guursatay. Xasuusi sababaha aad u jeclaatay lamaanahaaga. Jacaylku waa sheey qurux badan sidaa darteed maxaadan lamaanahaaga u dareensiineyn inaad jeceshahay?.
- “Waanku jeclahay”
Waxaa jirta weedh uusan qofka daaleyn maqalkeeda maadaama ay micno u leedahay qofka dhahaya weedhaas.
Laba ruux oo isjecel marna kama daalaan maqalka ereyadaan. Hadaba, guurkaaga iyo lamaanahaaga dartood inbadan adeegso. Deganaan ayay u tahay qalbiga.
- Amaanta mahadcelinta ah
Kuwaani waa ammaan muujinaya mahadnaq iyo qiimeeyn. Mar kasta oo seygaaga ama xaaskaaga ay sameyso wax ammaan mudan way wanaagsanaan lahayd haddii aad uga mahadnaqi lahayd.
Ammaanta noocaas ah waa sida “Waadku mahadsantahay u adeegidda qoyska”. “waadku mahadsantahay inaad igu dartay riyooyinkaaga”, “waadku mahadsantahay inaad safarkaan igula jirto” iyo qaar kaloo badan.
