4 Waxyaabood Oo Ninka Wanaagsan U Sameeyo Guurka – Dumarka Aad Ayay U Raadiyaan
Ninka wanaagsan wuu ka duwanyahay ragga kale marka ay xiriir noqoto. Ninka wanaagsan waa kan og waxa uu ka doonayo xiriirka isagoo fahamsan waxa loo bahanyahay in la sameeyo si xiriirka looga dhigo mid shaqeeya.
Ninka wanaagsan waa mid aanan ka fikirin kaliya inuu xiriir yesho balse inuu galo xiriirka saxda ah isla markaana uu sameeyo waxyaabaha wanaagsan si xiriirka u guuleysto.
Marka muxuu ninka wanaagsan sameeyaa?
- Wuxuu ixtiraamaa haweeneydiisa
Ninka wanaagsan wuxuu ixtiraamaa haweeneyda uu ifka ka doortay isla markaana ay nolosha ku midoobeen.
Wuxuu ogyahay inaanan loo gacan qaadin, ereyo aanan loo isticmaalin xaaskiisa isagoo aanan ula dhaqmin si aysan istaahilin. Ninka wanaagsan waa kan xushmeeya xaaskiisa.
- Wuxuu qaadaa masuuliyadda ficilladiisa
Way adagtahay inaad qaadato masuuliyadda ficilladaada, inaad sameyso qalad kadibna aad qirato iyo inaad wajahdo cawaaqibka ficilladaada iyadoo aysan cidi kugu riixeyn balse ninka wanaagsan waa kan sameeya tan.
Qalad wuu galaa oo majiro bini aadam aanan qalad galin balse wuxuu isku dayaa inuu qaato masuuliyadda qaladaadkiisa.
- Waa daacad
Nin kasta ayaa heli kara haweeney uu nolosha la wadaago balse nin wanaagsan kaliya ayaa daacad u noqon kara.
Qof daacad ah way adagtahay in maanta dunida laga helo balse ninka wanaagsan waa daacad.
- Waa aamin
Ninka wanaagsan wuu ogyahay faa’idada ay leedahay kalsoonida; wuu ogyahay in xiriirka aanan kalsooni lahayn uu fashilmayo.
Sidaa darteed wuxuu ku noolyahay nolol kalsooni leh isagoo iska dhiga qof ay xaaskiisa aamini karto.
