Waxyaabo Fudud Oo La Sameeyo Marka Lamaanahaagu Uusan Ku Dhageysan
Mid kamid ah waxyaabaha ugu awoodda badan xiriirka ee ilaaliya wadajir ahaanshaha lamaanaha ayaa ah isgaadhsiinta.
Isgaadhsiin wanaagsan oo ka dhexeysa labada lamaane ayaa ah mid xidhiidhka ka dhigta xiriir waara.
Haddii ay dhacdo in lamaanahaagu uusan ku dhageysan, taasi waa halis waxayna dhibaato u keeni kartaa xidhiidhka.
Si, kastaba, waa kuwaan waxyabaaha la sameeyo marka lamaanahaagu ay dhacdo inuusan ku dhageysan.
- Ha eedeyn
Intabadan lamaanaha ayaa joojiya inuu kan kale dhageysto marka wax lagu eedeeyo ama dusha laga saaro.
Hadaba si uu kuu dhageysto am ail gooni ah kuugu yeesho jooji eedeynta lamaanahaaga ama iyada/isaga kala hadal sida uu yahay dareenkaaga intaad eedeyn lahayd.
- Hadal gaaban oo nuxur leh
Waxaa lagaa doonayaa inaad hadalka soo gaabisid sababtoo ah hadalka yar ayaa ah mid si qoto dheer ugu dhaa dhacaya maskaxda lamaanahaaga.
Hadalka badan waa mid uu ku caajisayo lamaanahaaga isla markaana keenaya inuu joojiyo inuu ku dhageysto.
Hubi mar kasta oo aad dooneyso inaad la hadasho ama aad wax u sheegto inaad muhiimadda ka abaarto isla markaana aad joojiso hadalka si hadalkaas uu ugalo maskaxda lamaanahaaga.
- Weydii inuu dareenkiisa ku siiyo/ama ku maqlo
Qaab kale oo lamaanahaaga aad uga dhigi karto mid ku dhageysta ayaa ah inaad dareenkiisa weydiisato marka hore.
Marka uu kuusoo jeesto isla markaana diyaar uu kuu noqdo inaad wax u sheegto markaas ayaad la hadli kartaa adigoo og inuu kuusoo jeedo.
