Marka laga hadlayo xriiirada guuleysta, labada lamaane waa inay rabitaan iyo daneyn isku muujiyaan.
Ragga waa inay rabitaan badan u muujiyaan haweenkooda marka ay si dhab ah u jecelyihiin.
Si kastaba, marka ay bilaabaan inay nacaan haweenkooda waxay joojiyaan rabitaankii ay muujin jireen.
Waa kuwaan astaamaha lagu garto in ninka uusan ku daneyneyn.
- Wuxuu ku weydiistaa inaad wax u sameyso isagana wuu diidaa inuu wax kuu sameeyo
Marka nin uu ku weydiisto inaad wanaag ama wax aad u sameyso balse uusan isagana sidaas oo kale kuu sameyn. Kuma daneynayo.
Wuxuu kuu heystaa qof uu ka caqli badan yahay uu isaga kaliya markuu wax doono ama u baahdo uu weydiisan karo.
- Adiga ayaa had iyo jeer la xiriira
Xiriirka wanaagsan waa kan labada lamaane uu midba kan kale daneeyo, labada lamaane waa kuwo iswaca isla markaana isku muujiya inay iska fekerayaan oo ay isdaneynayaan waqti kasta.
Marka ay dhacdo inaad adiga kaliya noqoto qofka isaga waca isla markaana uu isaga marna kusoo wicin, ogoow markaas inuusan ku daneyneyn.
- Marnaba iskuma dayo inuu kaa farxiyo
Ninka ku daneynaya ama ku raba wuxuu mar kasta isku dayi doonaa inuu dhib kasta iyo rafaad kasta u maro farxaddaada ama siduu u arki lahaa adigoo faraxsan.
Balse haddii aysan taas maranaba dhicin, ogoow inuusan ku daneyneyn ninkaas. Maskax fiyoow ayaa loo baahanyahay.
