6 Waxyaabood Oo Lamaanahaagu Sameeyo Oo Ka Qiimo Badan Inuu Ku Dhaho “Waanku Jeclahay”

Waa run inay muhiim tahay inaad maqasho isagoo ku leh “Waanku jeclahay” balse ficilladiisa ayaa ku tusi kara waxbadan.

Waa kuwaan 6 waxyaabood uu ninku sameyn karo si uu kuu dareensiiyo inaad ku weyntahay isla markaana aad qalbiga uga taallo.

1. Wuxuu kuu sameeyaa koob shaaha

Way fududahay balse waxaad imaatay adigoo daalan kadib saacado badan oo aad shaqeyneysay ama howl culus aad heysay, koobka shaaha oo aad u baahantahay markaas wuxuu lamid yahay iyadoo qof uu ku siiyay kumanaan dollar.

Dulucda hadalka ayaa ah inuu ogaa waxaad u baahneyd.

2. Wuxuu ogaadaa in guriga nabad timid

Kadib haasaawaha, wuxuu kuusoo diraa farriin isagoo leh waxaan wada qaadanay waqti wanaagsan isagoo sidoo kale xaqiijiya inaad guriga nabad ku timid.

Tani waa hab wanaagsan uu kuugu muujinayo run ahaantii inuu daneynayo nabad qabkaaga, waxana taas kasii wanaagsan inuu farriin kuusoo diro waqtiga jiifka kahor. Miyaysan ahayn?

3. Wuxuu kuu sameeyaa cuntooyinka aad jeceshahay

Wuu xasuustaa inaad jeceshahay Biisaha “pizza” sidaa darteed adigoon aanan fileyn ayuu kuu sameeyaa si uu kaaga dholla cadeysiiyo.

Sidoo kale wuxuu kuu sameeyaa quraac aad u macaan sababta ayaa ah wuxuu doonayaa inuu kaa farxiyo.

4. Wuxuu ku yiraahdaa “Mahadsanid.”

Waa mid aad u fudud balse aad muhiim u ah. Haddii uu si joogto ah kaaga mahad naqo waxyaabaha yar yar iyo kuwa waaweyn ee aad u sameyso, run ahaantii wuxuu kuu muujinayaa inuu ku jecelyahay isagoo ku tusaya inaad ku weyntahay.

Sidoo kale waa qiimeeyaa inuu nolosha kugu helay.

5. Waqti ayuu la qaataa qoyskaaga

Mar kasta waqti ma heli karyo balse wali wuxuu sameystaa waqti uu kusoo arko inay wanaagsanyihiin.

Wuxuu ogyahay in ehelkaaga ay muhiim kuu yihiin sidaa darteed wuxuu dadaal ku bixi doonaa inuu mararka qaar waqti lasoo qaato sababtoo ah adiguu ku jecelyahay.

6. Wuxuu kusiiyaa Jaakaddiisa

Inuuk u siiyo jaakaddiisa marka uu qaboow ka jiro banaanka adigoo aanan weydiisan waa calaamad muujineysa inuu kaa fekereyo isla markaana uu si dhab ah kuu jecelyahay.