Sababta Dumarka Ay U Cunayaan Ukumo Badan Inta Ay Ku Guda Jiraan Waqtiga Caadada
Waqtiyada ugu xun haweenka noloshooda waxaa kamid ah marka ay ku jiraan xilliga Caadada. Xilligaas waxaa la sheegaa in haweenka qaarkood ay aad u shalaayaan.
Waxaa jiraan cunnooyin kala duwan oo ka yareyn kara xanuunka. Cunnooyinkaas waxaa ku jira Ukunta oo kamid ah cuntooyinka birta leh.
Haweenka badankood waxay waayaan dhiigga inta ay ku jiraan xilliga Caadada sidaa darteed caadiyan waxaa muhiim ah inay cunaan cuntooyin ay ku jiraan bir farabadan si ay uga gacan siiso inay dib u helaan dhiiga ka maqan.
Kristen Stavridis, oo ah dhaqtarad dhanka Nafaqada ah ayaa sheegtay in isticmaalka Ukunta ay jidhka haweenka u keento inay mar kale arkaan heerarka Hormoonada oo isbedelay.
Waxay sheegtay in cunista cuntooyinka ay ku jiraan birta ama feerada ay muhiim tahay isla markaana ay gacan ka geysaneyso inaad garaacdo xaaladda adag ee aad wajahayso xilliga Caadada.
Kristen ayaa tilmaamtay in haweenka marka uu ku dhaco dhigga Caadada uu dhiig badan ka baxo isla markaana ay halis ugu jiraan hoos u dhac ku yimaada heerarka hoose ee birta.
Waxay intaas ku dartay inay muhiim u tahay gabdhaha yar yar inay helaan cunto ay ku badantahay birta.
“Waa muhiim inaad xaqiijiso inaad qaadato Fitamiin C kugu filan maadaama ay suurtagelineyso in jirka uu si sahlan u nuugo birta,” ayay tiri Kristen Stavridis.
