Waxyaabaha Aad U Baahantahay Inaad Ka Ogaato Guursashada Nin Ciidan Ah
Waa riyada haweeney kasta inay nolosha la qaadato nin dhinaceeda joogaya abaar iyo aaran.
Guursashada nin ciidan ah uma sahlanaan karto sidaad u maleyneyso.
Waa kuwaan waxyaabaha ay tahay inaad ogaato oo ku saabsan guursashada nin ciidan ah.
- Mar kasta kuma dhinac joogaayo
Haddii aad tahay qof lamaanihiisa uga baahan dareen iyo jacayl joogta ah, tani masuurta galeyso sababo la xiriira shaqooyinkiisa.
Ma heli kartid waqti kasta oo aad u baahato sababo la xiriira waajibaadkiisa milatari iyo shaqooyinkiisa kale oo badan.
- Heerarka walaaca iyo walbahaarkaagu waxay noqon doonaan kuwo sareeya
Waxaa laga yaabaa inaad mararka qaar ku guul daraysato inaad maqasho ninkaaga taasoo ah xaalad ay suurtagal tahay inay wal wal kugu rido.
Hubi inaad haysato nidaam taageero ah oo kaa caawin doona inaad la tacaashid xaaladaha noocaas ah.
- Waxay jabinayaan qaar kamid ah dhaqamada
Iyadoo la eegayo waajibaadkiisa, ninkaaga milatariga ah wuxuu ka baaqan karaa maalmo muhiim u ah noloshaada, sida xafladaha dhalashooyinkaaga, sanad guurooyinkaaga iyo xafladaha qalin jabintaada.
Isku diyaari inaad dhacdooyinkaan muhiimka ah aad sameysato isaga la’aantiis.
- Waxaad u baahan tahay inaad u dulqaadato
Markaad go’aansato inaad guursato nin ciidan ah, waa inaad hubisaa inaad dulqaadato sababtoo ah waxay ku shaqeeyaan jadwal go’an kahor intaan la siinin maalmo fasax ah.
Sidoo kale waxaa loo tababaray inaysan muujin wax astaamo daciifnimo ah sidaa darteed waa inaad muddo sugtaa kahor intuusan muujin dhanka uu ka nugulyahay.
