Astaamo Ku Tusaya In Guurku Uusan U Qalmin Bad Baadin – Isaga Dhaqaaq
Qofna ma sheegin in xiriirku fududyahay. Waxaa jiri doona waqtiyo adag iyo culeysyo kusoo wajihi doona.
Dhammaan culeysyada waad ka gudbi kartaan balse waxaa jira waqti aad isku dayday wax kasta balse aysan waxba isbedeleyn.
Waqtiga noocaas ah waxaa daremeysaa inaad dadaal kasta sameysay balse ay tahay waqtigii aad xiriirkaas jari lahayd.
Haddii aadan hubin in xiriirkaas aad wali sii waddo iyo haddii kale, bal eeg tilmaamahan.
Waa astaamo cad cad oo ku tusaya in xiriiriinu uusan u qalmin bad baadin.
- Waxaa tahay qofka kaliya ee u dagaalamayo guurka
Way cadahay inaad tahay qofka kaliya ee daneynaya xiriirka ama guurka. Haddii lamaanahaagu uusan isku dayeyn in guurku shaqeeyo, ma doonayo guurkaas wuxuuna rabaa inaad kala tagtaan.
- Xiriirku wuxuu saameynayaa hormarka noloshaada
Marka xiriirku uu saameeyo himilooyinkaaga sida waxbarashada iyo guulahaaga, waa dhibaato. Guur noocaas ah uma qalmo bad baadin iyo inaad waqtiga iskaga lumiso, waxaa kuu wanaagsan inaad faraha ka qaado guurkaas maadaama uu caqabad ku yahay hormarkaaga.
- Xadgudub
Tani lagama wadahadli karo. Haddii ay tahay xadgudub jir ahaaneed ama mid dareen ahaaneed, uma qalmo bad baadin illaa uu lamaanahaagu diyaar u noqdo isbedel.
- Lamaanahaagu wuxuu diidaa inuu raadsado caawin
Haddii labadiina aadan xallin Karin dhibaatada, inaad caawinaad ka raadsataan qabiir waa wax aad u wanaagsan.
Balse haddii lamaanahaagu uu diido taas, waa cadahay inuusan rabin in guurku shaqeeyo.
