3 Waxyaabood Oo Haweenku ka Wal-walaan Kulanka Haasaawaha Ee Ugu Horeeya
Kulanka ugu horeeya ee haasaawaha waa mid cabsi u leh haweenka. Badankood waa kuwo cabsi ay heyso maadaama aysan garaneyn waxa imaan kara ama xittaa sida kulanka haasaawaha uu noqon doono.
Waxaa intaas oo dhan dheer inay jiraan waxyaabo haweenku ay ka walwalaan marka ay noqoto kulanka ugu horeeya ee shukaansiga.
Waa kuwaan qaar kamid ah waxyaabaha welwelka ku rida haweenka kulanka ugu horeeya ee haasaawaha.
- Waxa la xirto
Marka ay noqoto dookha labiska, tani waa waxa intabadan saameeya gabdhaha. Haweenku waa kuwa ay sida aadka ah u saameeyo arrintaan maadaama aysan hubin waxa ay xiranayaan maalintaas qaaska ah.
Sababtaas darteed, ma ahan wax cusub inaad aragto haweeney diyaarineyso labiskeeda maalmo hore kahor waqtiga kulanka haasaawaha.
Haweenka waa kuwo jecel inay si qurux badan oo soo jiidasho leh u labistaan kulanka ugu horeeya ee shukaansiga.
- Maqaayadda cajiib ma noqon doontaa?
Qodob kale yaab leh oo haweenka saameeya ayaa ah haddii maqaayadda la xulay ay cajab galin doonto iyo haddii kale.
Sida caadiga ah waa waqti adag markaan oo uu qofku waqti badan kulumiyo inu kafakaro nooca maqaayada loo wadi lahaa gabadha.
3.Miyuu kaa dhaqaaji doonaa/kugu gacan seeri doonaa?
Marka la aadayo kulanka ugu horeeya ee haasaawaha, mid walba waxa uu fishaa inay wax kasta dhici karaan.
Madaama ragga badankood ay ka cabsadaan in la diido, intooda badan waa kuwo mar kasta ka walwala haddii gabadha ay qaadi doonto tallabada koowaad, arrintaas ayaa waxay sidoo kale saameysaa haweenka badankood.
