45 Jir Jacayl Dartiis Isku Dilay

Nin 45 jir ayaa isdilay kadib markii uu isku riday wabiga lagu magacaabo Lake Viktoria.
Stephen Mboya, oo ah ninka isdilay ayaa falkan ku dhaqaaqay kadib markii gabar saaxiib uu la’ahaa isla markaana uu doonayay inuu guursado ay ka diiday qorshaha guurkiisa, isagoona markaas kadib isku tuuray wabiga ku yaala magaalada Homa Bay ee dalka Kenya.
Wuxuu muujiyay inuusan ku qanacsaneyn sida gabadha uu doonayay inuu guursado ay daqiiqaddii ugu dambeysay ay kula dhaqantay isla markaana uga diiday qorshihiisa guurka.
Mboya ayaa dhibaatadiisa iyo sida gabadha ay ula dhaqantay saaxiibadiis kula wadaagay xeebta kahor intuusan isdilin.
Waxa uu xittaa mid kamid ah saaxiibadiis u sheegay in gabadha ay wareegii ugu dambeeyay ku gacan seertay xilli uu filyay in xiriirkooda loo bedelo guur.
“Kuma uusan faraxsaneyn maxaa yeelay gabadha uu doonayay inuu guursado gacan meysan siineyn Stephen Mboya,” ayuu yiri George Otieno oo kamid ah dadka deegaanka.
Galabtaas Mboya, ayaa talo ku aadan waxa uu sameyn karo si uu ugu guuleysto kalsoonida gabadha oo lagu magacaabo Achieng u doontay saaxiibadiis.
Dhammaan saaxiibadiis ayaa waxay u sheegeen inuu joojiyo xiriirkaas uu gabadha la lahaa isla markaana uu raadsado mid kale.
Si kastaba, talada kama aysan farxin isaga, intii uu qaadan lahaa talooyinka saaxiibadiis, Mboya ayaa hadalkiisa kusoo gabagabeeyay inuusan noolaan Karin iyadoo Achieng aysan ahayn xaaskiisa, waxa uuna shaaciyay in maalintaas oo ahayd Axaddii lasoo dhaafay ay tahay maalintii ugu dambeysay ee dunida.
Dadka deegaanka Komuoyo ayaa sheegay in maalintaas Stephen Mboya uu iska bixiyay kabihii uu watay kuna riday bac isagoo kadib ku tuuray Wabiga.
Waxa uu markaas kadib isagoo qeylinaya ku yiraahday saaxiibadiis “Achieng waligeed ha noolaato waxaan ku kulmeynaa janada.
Mboya ayaa isagoo ordaya isku tuuray Wabiga, kuna qarqamay biyaha isla markaana sidaasi ku geeriyooday.
© Aayaha