Waa wax caadi ah in khilaad uu ka dhasho guurka gaar ahaan marka labada lamaane ay qabaan fikrado iyo aragtiyo kala duwan.
Hala wadaagin dhibaatooyinka guurkaaga qof kasta oo aad la kulanto, tani waxay sababtaa cawaaqib xumo.
Dadka qaarkood way kugu qosli doonaan, kuna niyad jabin doonaan ama waxay ku galin doonaan dareen xun.
Inkastoo tani ay noqon karto mid xanuun badan, hubi in marka hore aad fikradahaaga kala hadasho lamaanahaaga oo aad xaliso ama aad raadsato la taliye kaa caawin doona inaad xal la timaado.
Iska ilaali in waxyaabah heysta guurkaaga aad la wadaagto dadkaan.
- Dadka guurka kasoo horjeeda
Iska ilaali inaad marxaladaha guurkaaga uu ku jiro la wadaagto dadka qaba qaraar ku saleysan guurkooda guul dareystay ama kuwa aanan horey u guursan isla markaana aanan diyaar u ahayn guur.
Dadka noocaas ah waa kuwo ku niyad jabin doona isla markaana ku siin doona fikrado qaldan oo ku saabsan guurkaaga.
- Saaxiibada iyo qaraabada kuu dhow
Tani waxay ka careysiin doontaa lamaanahaaga xittaa iyadoo aanan maqlin sheekada dhan.
Intabadan xubnaha qoyska ee kuu dhow waa kuwo aanan dooneyn qofkooda ay jecelyihiin in la dhaawaco.
Marka hore arrimaha heysta guurka kala hadal lamaanahaaga.
- Qof horey u rabay lamaanahaaga Ninkaaga/xaaskaaga
Xaqiiji in dhibaatooyinka heysta guurkaaga aadan u kashifin dad horey u rabay lamaanahaaga.
Dadkaas waxay ka shaqeyn doonaan inay xaaladda uga sii daraan sidaa darteed waxay fursad u helayaan noloshooda.
