Dhib Malahan Inta Jeer Uu Jacayl Ku Dhaawaco, Saddexdaan Waxyaabood Mar Kasta Waa Run

Xiriiro farabadan ayaa ku bilaawda heer wanaagsan oo aad u sareeya kuwaas oo ugu dambeyn ku dhamaada qaraar.

Waa dhaawac markaad xiriir la leedahay qofaad jeceshahay balse xiriirkaas uu ku dhamaado naxdin.

Su’aalo badan ayaa soo mara maskaxda qofka marka uu xaqiiqsado in jacaylku qarka u saaranyahay burbur.

Dhib malahan sida jacayl uu kuu dhaawaco, waxyaabahan had iyo jeer waa kuwo sax ah.

1. Jacaylka dhabta ah ma baaba’o

Qof si dhab ah kuu jecel maranaba kuma illoobi doono, iyadoo aanan la eegin sababha ka dambeeya furiinkiina. Lamaanaha sida dhabta ah kuu jecel mar kasta waxaad ku jiri doontaa qalbigiisa inta uu noolyahay.

2. Jacaylka dhabta ah qofna ma bedelo

Jacaylka dhabta ah waa kan qofka u ogolaada inuu ahaado sida uu yahay. Uma baahnid inaad isbedeshid si aad qof uga farxiso.

Kaliya waa jacaylka been abuurka ah kan kugu qasbi doona inaad isbedesho si aad ugu haboonaato baahiyaha lamaanahaaga.

Jacaylka dhabta ah wuxuu qofka siiyaa xoriyad uu ku doorto waxa uu rabo mudada dheer.

3. Marka dhaawac jacayl ku gaaro, aqbal oo horey uga soco

Jacaylku waa xoriyad. Uma baahnid in dhib ama xanuun uu kugusoo gaaro magac jacayl dartiis. Qofka sida dhabta ah kuu jecel kuguma qasbi doono inaad isaga ama iyada dib u jeclaato.

Xoriyadda lagu doorto waxaad rabto waa waxa qeexaya jacaylka dhabta ah waxa uu yahay.