Isbedello Muhiim Ah Oo Lagu Sameeyo Guurkaaga Si Aad Uga Dhigto Mid Aad U Wanaagsan
Mararka qaar guur kasta ayaa u baahan isbedelkaan. Isbedelkaan waxa uu noqon karaa mid guur kaaga dhigo, guur aad u wanaagsan.
Waxaa jiraan waxyaabo aad u baahantahay inaad iska dhaafto si guurkaaga aad uga dhigto mid si wanaagsan u shaqeeya, waxyaabahan ayaana kamid ah.
- Dhageyso waxa lamaanahaaga uu ku leeyahay
Waxbadan dhageyso oo wax yar hadal. Ha noqon ruux aanan rabin In lamaanaha kale uu hadlo isla markaana uu dhankiisa ka muujiyo.
Waxaa la sheegay in dhageysiga uu ka wanaagsanyahay hadalka. Hadaba isdaji oo dhageyso waxa uu lamaanahaagu kuu sheegayo ama uu ku leeyahay.
- La Xiriir
Xiriirka waa arrin muhiim u ah guur kasta. Guurka badankiis wuu burburaa waxana taas sabab u ah xiriir  la’aan u dhexeysa labada lamaane. Si aad guurka uga dhigto mid wanaagsan, bedel qaabka aad ula xiriirto lamaanahaaga marka uu dhib jiro.
Ugu muuji wel welkaaga qaab saaxiibtinimo adigoo aanan dusha ka saarin lamaanahaaga qaladaad uusan sameynin.
- Aqbal in lagu saxo oo aad raalli gelin bixiso
Mar kasta oo aad sameyso qalad, ogoloow in lagu saxo. Qaado qaladaadkaaga lamaanahaagana u ogoloow inuu ku saxo.
Waxaa intaas dheer, waxaad u baahantahay inaad raalli geliso lamaanahaaga mar kasta oo aad qalad ka gasho ama aad dhaawacdo.
Raalli gelinta kama dhigno inaad tahay qof liita ama aanan awood lahayn. Waxay ka dhigantahay inaad tahay qof caaqil ah ama waxgarad ah.
