3 Sirood Oo Guurka Leeyahay Oo Ay Tahay Inaadan La Wadaagin Cid Kale (Ilaali Guurkaaga)
Ilaalinta siraha guurkaaga waxay kuu ogolaaneysaa inaad yeelato xiriir ama guur farxad leh.
La wadaagidda siraha xiriirkaaga dadka kale waxay burburineysaa guurkaaga.
Waa kuwaan 3 sirood oo guurkaaga quseeya oo ay tahay inaadan la wadaagin cid kale.
- Noloshaada sariirta
Waxaa laga yaabaa inaad isku daydo inaad saaxiibadaa kala hadasho noloshaada dhanka sariirta ama galmada. Si kastaba ma ahan fikrad wanaagsan maadaama uu lamaanaagu dareemi karo inaad dhaawacday oo aad qiyaantay haddii uu ogaado inaad saaxiibadaa arimahaas kala hadasho.
Iska ilaali inaad saaxiibadaa kala hadasho arimaha quseeya dhanka sariirta ama galmada.
Hakala hadlin saaxiibadaa nolosha sariirta haddii ay tahay mid wanaagsan iyo haddii ay tahay mid mid caajis ah oo aanan xiiso lahayn.
- Khilaafaadkiina
Waa wax caadi ah in lamaanaha is khilaafaan oo ay murmaan. Si kastaba, tani waa ineysan sabab u noqon inaad saaxiibadaa kala hadasho arrimahaas.
Muranka quseeya guurka waa wax ay xalin karaan labada lamaane iyadoo aysan qeyb ka noqon saaxiibadaa iyo qoyskaaga.
Haddii ay wax qaldamaan, la fadhiiso lamaanahaaga oo xaliya muranka intaad u sheegi lahayd saaxiibadaa dagaalka idin dhex maray adiga iyo lamaanahaaga.
- Ciladda lamaanahaaga
Marnaba ma ahan fikrad wanaagsan in ciladda lamaanahaaga aad la wadaagto saaxiibadaa. Ma jiro qof aanan cillad lahayn ama dhinac kasta ka dhammeystiran.
Sidaa darteed, ilaali cilladaha lamaanahaaga. Inaad cilladaha lamaanahaaga la wadaagto saaxiibadaa ama xubno kamid ah qoyskaaga waxay keeneysa kaliya in dadkaas ay hoos kuu eegaan.
