UGAAR AH DUMARKA: 6 Calaamadood uu lasoo baxo ninka marka uu ku naco
Waxaa jira farqi u dhexeeya marka ninka uu ku jecelyahay iyo marka uusan ku jecleyn. Marka ninka uu naco haweeneyda, waxaa jiraan waxyaabo uu iska bedelo.
Dhaqankiisa iyo qaabka uu kuula dhaqmo ayaad ka garan kartaa.
Waa kuwaan qaar kamid ah calaamadaha uu lasoo baxo marka uu ku naco.
- Wuxuu joojiyaa inuu kula soo xiriiro
Marka nin uusan jecleyn haweeneydiisa ama uu naco, uma arko inay muhiim tahay inuu la xiriiro; isgaadhsiinta ayaa ku cuslaata.
Wax yar ayuu kula hadlaa, wax hadal ah kaama dhageysto. Marka ay isgaadhsiintu gaarto heerkaan, taasi waa calaamad ku tusineysa inuu ku nacay.
- Waxba kuuma sameeyo
Marka ninka uu jecelyahay haweeneydiisa, waxa uu u sameeyaa waxyaabo si uu uga dhigo mid faraxsan, wuxuu isku dayaa inuu cajab geliyo isla markaana u sameeyo waxyaabo ay ku faraxdo balse marka nin uu naco haweeneyda, dhammaan waxyaabahan wuu illoobaa.
- Waqti kulama qaato
Marka nin uu naco xaaskiisa, wuxuu joojiyaa inuu waqti la qaato; intii uu waqti iyada la qaadan lahaa wuxuu la qaataa saaxiibadiis.
Waxaa meesha ka baxaya waqtiyadii macaanaa uu haweneydiisa la qaadan jiray marka ninka uu naco haweeneyda.
- Si fudud ayuu ku caroodaa
Ninka nacay haweeneydiisa si fudud ayuu uga caroonayaa wax kasta oo yar ee ay sameyso. Jacaylku waa dulqaad, sidaa darteed ninka jecel xaaskiisa waa mid u dulqaata wax kasta oo ay sameyso.
Si, kastaba, ninka nacay xaaskiisa ee aanan wax jacayl ah u qabin waxaa ka lunta dabeecadda dulqaadka ee uu horey usoo bandhigi jiray.
- Wax yar ayuu ka caroodaa ama sabab la’aan ayuu u caroodaa
Marka heerka dulqaadkiisa hoos u dhaco, taas ayaa ka dhigeysa mid si sahlan u lumiya deganaantii uu lahaa.
Wuuku qeylinayaa gabadha oo uu xittaa ugu caroonayaa waxyar oo aanan laga caroon Karin.
- Kalagacayl majiro
Ma jirto wax kalgacayl ah oo uu tusayo xaaskiisa marka ninka uu naco; ulama dhaqmaayo sida haweeney, ma dareensiinaayo inay ku weyntahay, lama qaadanaayo waqti wanaagsan.
Waxaa sidoo kale meesha ka baxaya wajigii wanaagsanaa isla markaana kalgacaylka lahaa ee aad ku taqaanay.
