Maxkamad Haweeney Uur Leh U Ogolaatay Inay Dhasho Kahor Intaanan La Daldalin (Wax Ka Ogoow Sababta)

Maxkamad ku taala caasimadda Sudan ee Khartuum, ayaa sheegtay in haweeney uur leh oo lagu xukumay dil kadib markii ay ka ridoowday diinta Islaamka isla markaana ay guursatay nin aanan heysan diinta islaamka ama Kirishtan ah, loo ogolaan doono inay dhasho kahor intaanan la dilin.
Meriam Yehya Ibrahim, oo 27 jir ah, oo uu dhalay aabe Muslim ah balse ay soo bar baarisay hooyadeed oo Kirishtan ah ayaa Axaddii lagu xukumay magaalada Khartuum, iyadoo la siiyay 3 maalmood oo ay ugu soonoqoneyso diinteeda islaamka ama ay wajihi doonto dil.
“Waxaan ku siinay 3 maalmood oo aad dib ugu soo noqoneyso balse waxaad ku adkeysataa inaadan diinta islaamka kusoo noqoneyn, waxaan kugu xukumay deldelaad,” ayuu garsoore Cabaas Maxamed Al-Khalifa u sheegay Meriam Yehya, isagoo ku hadlayay magaca aabeheed.
Meriam Ibrahim, ayaa sidoo kale wajaheysa xukun karbaasha oo sino ah maadaama ay guursatay nin kirishtan ah oo kasoo jeeda Sudaanta Koonfureed.
Waxaa haweeneydaan lagu dhufanayaa 100 karbaash maadaama aabeheed uu ahaa Muslim.
Meriam ayaa kutiri qaadiga maxkamada “Waxaan ahay Kirishtaan hadane waligey ma ridoobin,”.
Qareenka u doodaya Meriam, ayaa sheegay inay dooneyso inay racfaan ka qaadato go’aanka maxkamadda.
Hay’adda Amnesty ee u dooda xuquuqda aadnaha, ayaa sheegtay in Meriam ay leedahay uur 8 bilood ah isla markaana ay xabsiga kula jirto wiilkeeda 20-ka bilood jira.
Xukunk ayaa waxaa cambaareeyay beesha caalamka. Bayaan kasoo baxay dalalka Ingiriiska, Mareykanka, Canada iyo Holland, ayay kiiskaan wel wel uga muujiyeen.
“Waxaan dhammaanteen ugu baaqeynaa dowladda Sudan inay ixtiraamto xuquuqda xoriyadda diinta, oo ay ku jirto in qofku bedelan karo diintiisa iyo caqiidadiisa,” ayaa lagu yiri bayaanka kasoo baxay beesha caalamka.
© Aayaha