Hooyooyinka waa kuwo kaalin mug leh ka qaata nolosheena. Hooyooyinka waa halyeeyadeyna aan dadaalkooda la qiimo tiri Karin, waana farxadda nolosheena iyo hogaanka guuleheena.
Waxay leeyihiin awoodo cajiib ah oo ugaar ah, sababtoo ah waa kuwa kaliya ee dhib walba mara si ay u xaqiijiyaan in qoysaskooda wanaagsanyihiin ama xaalad fiican ay ku suganyihiin.
Waa kuwaan waxyaabaha hooyooyinka ka dhiga halyeeyo sare oo aanan marnaba la gaari Karin.
- Waa kuwa kaliya ee shaqooyin badan isku qaban kara
Hooyo waa qofka kaliya ee ilaali kara lana socon kara xaaladda canuggeeda, cuntada Karin kara, alaabta dhaqi kara oo sidoo kale martida soo dhoweyn kara hal mar.
- Waa kuwa kaliya ee naftooda hilmaama
Hooyo kaliya ayaa hilmaamta nafteeda si ay hubiso una daryeesho xaaladda qofka kale oo qoyska kamid ah iyadoo waliba aanan dareemin wax culeys ah ama dhib ah.
Wax nafteeda daryeel iyo tixgelin siisaa marka ugu dambeysa ee uu qofkaasi fiicnaado.
- Waa qofka kaliya ee waligaa ku jeclaan doona
Hooyadaa waa qofka kaliya ee aanan ku neceyn xittaa markaad sameyso qaladaadka ugu xun ee aad waligaa sameyn lahayd.
Waa qofka kaliya ee ku garab istaagaya, kuna ilaalinaya isla markaana markaana ku tusaya jacaylka ay kuu qabto baaxaddiisa iyo inta uu la egyahay.
- Waa qofka kaliya ee ku garab istaagaya
Hooyadaa marnaba ma ogolaaneyso inaad dareento kalinimo/cidlo ama lagaa guuleysto. Hooyo waa qofka kaliya ee kugu garab istaagaya wax kasta oo aad sameysay xittaa haddii ay tahay inaad arday kale ama qof kale aad la dagaalantay.
