Jacaylku waa naxariis iyo dulqaad ma ahan cadawnimo, dhibaato iyo in la isdilo. Si,kastaba, kiisaska la xiriira dilalka jacaylka ayaa muddooyinkaan ahaa kuwo kordhay.
Qof kasta uma sahlano in farta uu ku fiiqo ama ogaado sababta ay tan u dhacayso, balse waxaa jira waxyaabo guud oo sabab u ah falalkaan naxdinta leh.
Waa kuwaan qaar kamid ah sababha ay dadka wax jecel u dilaan laamanahooda.
- Galmada
Isdal-dalaadda la xiriirta raaxada ama galmada guurka waa mid dhacda intabadan marka mid kamid ah lamaanaha uu qiyaano sameeyo ama uu dareemo ixtiraam la’aan iyo in sidii la rabo laga yeesho.
Arimaha la xiriira galmada waxay kamidyihiin sababaha keena isdaldalaadda guurka iyo xiriirka. Dhaqtar ku takhasusay cilmu nafsiga ayaa sheegay in qof kasta uu halis ugu jiro isdaldalaad marka uu jacayl yimaado isla markaana mid kamid ah lamaanaha uu dareemo in la qiyaanay.
- Maseerka
Tani waxay dhacdaa marka qof uu aamino in isaga/iyada ay qarka u saarantahay inay weyso lamaanaheeda.
Dadka qaar ayaa waxay ku doodaan inay wanaagsantahay inay qofkaas dilaan intii ay nolosha ku wajihi lahaayeen.
- Dhaqaale
Kiisaska la xiriira dadka dila lamaanahooda oo ay sabab u tahay dhaqaalaha way kuwo badan. Tusaale ahaan, waxaa jiray kiisaska haween dilay raggooda si ay u dhaxlaan hantida raggooda.
Taasi waxaa sababa rabitaanka helitaanka awood dhaqaale oo ah sababta ay haweenka qaar u dilaan raggooda.
