3 Calaamadood oo lagu ogaado inaad ku jirtid xiriir kugu habboon

Waa muhiim in qofka xiriirka uu idinka dhexeeyo aad isku habboontihiin haddii aad dooneysid in xiriirkiina uu waaro.
Sidaa darteed, sided ku go’aansaneysaa haddii aad isku habboontihiin lamaantaada?
Waa kuwaan 3 calaamadood oo lagu ogaado.
- Muran yari
Haddii heerka muranka xiriirkiina uu yahay mid aad u sareeya taasi waa calaamada inaadan ku habbooneyn lamaankaaga/lamaantaada. Lamaane kasta way murmaan balse wax kasta oo aad sameyso marka ay muran dhaliyaan, laguuguma talagalin lamaantaas.
Haddii uu isfaham wanaagsan idinka dhexeeyo adiga iyo lamaantaada isla markaana aadan wax kasta kuwada murmin kadib wa calaamad muujineysa in xiriirkaas uu kugu habboonyahay.
- Fikradaha quseeya mustaqbalka xiriirka
Maxaa feker ah aad adiga iyo lamaankaaga u heysaan xiriirkiina mustaqbalkaa? Haddii aad labadiina qabtaan aragtiyo iska soo horjeeda isla markaana qofna uusan ogoleyn inuu tanaasulo kadib adiga iyo lamaankaaga iskuma habboonidiin.
Labadiina waa inaad hal jiho u dhaqaaqdaan ama hal dhinac aad isku raacdaan haddii aad rabtaan in xiriirka uu shaqeeyo.
Marka adiga iyo lamaantaada aad wadaagtaan fikrado isku mid ah oo quseeya mustaqbalka xiriirkiina,taasi waa calaamad muujineysa inaad isku habboontihiin adiga iyo lamaankaaga.
- Kulanka sariirta
Guurka lamaaneyaal badana ayaa u burburay isku habboonaan la’aan dhanka galmada ah. Marka ay jiraan waxyaabo aad jeceshahay isla markaana aad rabtid inaad sameyso markaad kulanka sariirta la galeyso lamaantaada balse aysan iyada ku faraxsaneyn, taas ayaa khilaaf ku abureysa xiriirka.
Haddii aad qabtaan feker iskumid ah marka ay noqoto raaxada guurka, taasi waa calaamad ku tuseysa inaad isku habboontihiin lamaankaaga.